|
Модомики, Франциянинг ташқи сиёсати хусусида тўхталмай иложимиз йўқ экан, шуни айтишимиз мумкинки, унинг бу сиёсати хорижда ўз нуфузига эга бўлиш асосига қурилгандир. Бу иш мустамлакалари билан бўладими, сақофий нуфуз биланми, иқтисодий нуфуз биланми, фарқи йўқ. Йирик давлатларга қарши сиёсий ишларида ўз шахсиясини кўрсатиш, буюклик ва ҳукмронликда иштирок этиш каби ишлари намоён бўлади. У сиёсий найрангларни қойиллата олмайди. Кўпроқ дангалликни ёқтиради. Шунинг учун ҳам шу кунларда у билан Америка ўртасида тортишув борлиги осонгина фош бўлди. Бошқалар билан, хусусан Британия билан Америка ўртасидаги курашни фош қилиш эса осон эмас. Шунинг учун унинг ишларига қарши туришнинг йўли унинг киборлигига тегиб кетмаслик, ташаббус тизгинини қўлига олишига имкон бермаслик, уни фақат халқаро сиёсатда йирик давлатлар қабул қиладиган даражадагина йирик давлат деб ҳисоблашдир.
7. Рус халқи
Бу халқ ғайратчан, интилувчан, кучли, айни пайтда содда ва оддий халқдир. Аввалига капиталистик мабдани, сўнг коммунизмни, кейин яна капитализмни қабул қилганига қарамасдан, Европадан орқада қолди. Европа халқлари даражасига кўтарила олмади. Русларда европаликлар қаршисида кемтиклик юзага келди. Бу нарса уларнинг йўналишларига салбий таъсир қилди.
Рус халқи ўз юртида довюрак, жангчи халқ. Юртидан четга чиқдими тамом, бу хусусиятини йўқотади. Шарқий Европа давлатларига узоқ муддат ўтказиб келаётган ҳукмини йўқотиши кутилаётган эди. Совет иттифоқи қулаши билан уни ҳақиқатда йўқотди ҳам. Тарих ҳақиқатлари таъкидлашича, рус халқи ўз юртидан ташқарида ғалаба қозонмаган. Миттигина диёр бўлмиш Чеченистондаги танглиги буни кўрсатиб турибди. Юртининг ичига кириб келган ҳар қандай душманни мағлуб этган. Наполеон ва Гитлер ҳодисалари бунинг энг ёрқин мисолидир.
Россиядаги ҳокимият низоми подшоҳ даврида бошқача, коммунистлар даврида яна бошқача, ҳозирги даврда яна бошқача. Фақат ҳамма ҳолатларда ҳам истибдодга оид бўлган. Чор (подшоҳ) ер эгаларига алоҳида таянган. Феодаллар йирик бойлар билан иттифоқ тузиб, мамлакатга ҳукмронлик қилганлар. Улар чорнинг ички ва ташқи сиёсатини батамом қўллаб-қувватлаганлар. Ҳаммаси бир бўлиб, халқни ёвузларча қул қилишган. Натижада давлат тубанлашган, халқ қолоқлашган.
69-бет
Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147