|
Мана шу жанг туфайли Мустафо Камолнинг юлдузи порлади ва Усмонилар қўшнидан катта шуҳратга сазовор бўлди. Чунки бу жанг жуда катта овоза қилиниб, Мустафо Камолнинг ингилизлар устидан қозонган очиқ ғалабаси, деб эътибор қилинди. Лекин у биричи жаҳон урушида иштирок этмаслик фикрида эди. У Ана Фурта жангида эришган шуҳратига қарамасдан, давлатнинг урушидан чиқиши ҳақидаги фикрдан қайтмаган эди. У бу фикрида туриш билангина кифояланмади. Балки у қўшин ва одамлар орасида шуҳратга эришгандан кейин, кучли шахсларга шу фикрга ишонишлари учун таъсир кўрсатишга ҳаракат қилди. Лекин уларда сустлик ва норозиликларни кўрди ва ўзи шубхали шахсга айланиб қолди. Улар бу жангдан кейин Мустафо Камолнинг ҳарбий маҳоратига ишонишса ҳам, лекин улар ичида унинг сиёсий ишларига чуқур киришини қўллаб-қувватлайдиган биронта одам йўқ эди. Балки улар Мустафо Камол сиёсий ишларда амалий равишда иштирок этишга ҳаракат қилмоқчи бўлса, унинг йўлини тўсишар эди. Мустафо Камол ингилизларни улуғлаш, уларга ишониш ва уларнинг қудратига суяниш фикрини олдинга сурар, ингилизлар бу урушда албатта ғалаба қозонади, Германия эса мағлуб бўлади, деган фикрда эди. Шунинг учун ҳам у шубҳали шахсга айланиб қолди. Ҳатто у билан кўпроқ алоқада бўлган шахс ҳукуматга ишончсиз ва доимо кузатиладиган қора шахсга айланар эди.
55-бет
Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138