|
Шарқий Германия ва Шарқий Европа давлатларига социализмни татбиқ этилиши ҳам табақалар ўртасидаги кураш натижаси эмас эди, балки бу нарса социалистик давлат (яъни Совет Иттифоқи)нинг шу давлатларни босиб олиб уларга ўз тузумини татбиқ этиши натижасида юз берди. Демак, тузумнинг ўзгариши табақалар ўртасидаги кураш натижаси эмас, балки бир гуруҳ ёки давлатнинг тузумни қабул қилиб, ҳокимиятни қўлга олиши ва шу тузумни татбиқ қилиши натижасидир. Капитализм тузумида ҳам, Ислом тузумида ҳам ва бошқа ҳар қандай тузумда ҳам шундай бўлади. Энди агар табақалар ўртасидаги кураш қонуни мамлакатлардаги тузумни ўзгартириб юбориши муқаррардир, дейиладиган бўлса, у ҳолда, чор Россияси ва Хитойда эмас, балки Германия, Англия ва АҚШдаги тузум ўзгариб кетиши керак эди. Чунки бу мамлакатлардаги капиталистлар ва ишчилар сони чор Россияси ва Хитойникига қараганда кўп эди. Чор Россияси ва Хитой эса саноати унча ривожланмаган аграр (қишлоқ хўжалигига таянадиган) давлатлар бўлиб, улардаги ишчилар ва капиталистлар табақаси сони Ғарб мамлакатларига солиштирганда оз эди. Бироқ ғарбий Европа давлатларида ва Америкада капиталистлар ва ишчилар табақаси мавжуд эканлигига қарамай, бу мамлакатлар социализм тузумига ўтмади. Улар ҳануз капитализм тузумини татбиқ қилиб келмоқда. Бу мамлакатларда ишчилар ва капиталистлар табақасининг мавжудлиги улардаги тузумга таъсир ўтказа олмади. Мана шунинг ўзи бу назарияни асосидан парчалаб ташлашга кифоя қилади.
Учинчидан: Карл Маркс назарияларининг хатолиги шундоқ кўриниб турган бу жиҳатга келсак, у Маркс айтган «ижтимоий ривожланиш қонуни ва иқтисодий ҳайт тузуми ўзи бўйсунадиган иқтисодий қонунлар таъсири сабабли йўқ бўлиб кетишга маҳкумдир. Бир пайтлар зодагонлар табақаси устидан ғолиб келган ва капитал эгаси бўлиб қолган ўрта табақанинг ўз ўрнини ишчилар табақасига бўшатиб берадиган вақт аллақачон келди. Уни бунга марказлашиш қонуни мажбур қилади», деган сўзларидир. Бу сўзларнинг хатолиги шундан иборатки, ишчилар сонининг кўпайиши ва капитал эгалари сонининг камайишига асос бўладиган ишлаб чиқаришнинг марказлашиши қонуни ҳақидаги Карл Маркс назарияси бузуқ назариядир. Чунки бу ерда ишлаб чиқаришнинг марказлашуви ўта олмайдиган бир чегара мавжуд. Шунинг учун бу марказлашув муайян чегарага етгандан кейин тўхтаб қолади. Демак, у Карл Маркс тасавур
43-бет
Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134