|
بسم الله الرحمن الرحيم
Муқаддима
«Исломда иқтисод низоми» номли ушбу китоб Исломий фикрий бойлик бўлиб, жуда ноёб китобдир. Зеро, у шу асрда Исломдаги иқтисод низоми воқелигини жуда аниқ, тиниқ ёритиб берган биринчи китобдир.
Бу китоб Исломнинг иқтисод ва унинг ғоясига бўлган қарашини, молга эгалик қилиш, уни ўстириш, сарфлаш, тасарруф қилиш (иш юритиш) кайфиятини ҳамда бойликни жамият аъзоларига тақсимлаш ва жамиятда мувозанатни вужудга келтириш кайфиятини баён қилиб берди.
Бу китоб шахсий мулк, умумий мулк ва давлат мулкидан иборат мулкчилик турларини ва байтулмолга келиб тушиши лозим бўлган молларни ва улар сарфланадиган жиҳатларни ҳам баён қилиб берди.
Шунингдек, ушрий ва хирожий ерларга оид ҳукмларни, бу ерлардаги бериш вожиб бўлган ушр ёки хирожни ҳамда бу ерлардан фойдаланиш, уларни тирилтириш (яъни ишлов бериб жонлантириш), ажратиб бериш, бир шахс эгалигидан бошқа шахсга ўтказиб бериш кайфиятини баён қилиб берди.
Яна пуллар ва уларнинг турлари, уларда содир бўлиб қоладиган рибо (судхўрлик), пул алмаштиришга ва пулларда берилиши вожиб бўлган закотга тўхталиб, улар ҳақида батафсил сўз юритди.
Ва ниҳоят, ташқи тижорат ва унинг ҳукмларини тушунтирди. Бу ҳукмларни олишдаги бирдан-бир манба Оллоҳнинг Китоби ва Росулининг Суннати ҳамда Китоб ва Суннат асосидаги қиёс ва саҳобаларнинг ижмоси бўлди. Бу иқтисодий ҳукмларни олиш учун бошқа биронта манбага мурожаат қилинмади. Бу китоб капиталистик иқтисодий тузум ва социалистик (шу жумладан коммунистик) иқтисодий тузум воқелиги ва бу икки тузумнинг нотўғрилиги ҳақидаги сўз боши билан бошланиб, уларнинг фасод-бузуқ эканлигини ва Исломдаги иқтисод низоми ҳукмларига зид эканлигини баён қилди.
Бу китоб қайта нашр қилинишидан олдин яна бир бор кўриб чиқилиб, унга баъзи бир тузатишлар киритилди. Унда келган барча ҳадисларни қайта кўриб чиқишга ҳам қаттиқ эътибор берилиб, уларни ҳадис китобларидаги ривоятларига солиштириб, текшириб чиқилди.
Мусулмонлар мана шу асрда Исломдаги иқтисод низомини тушуниб етишларида бу китобнинг улкан фойдаси бор. Биз бу китобни ҳаммага фойдали қилишини ва мусулмонларга бу китобдаги ҳукмларни Оллоҳ нозил қилган шариат билан ҳукм юритадиган давлатда татбиқ ва ижро қилиш имконини беришини Оллоҳдан сўраб қоламиз.
14 рабиул-охир 1425ҳ
3-бет
Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134