|
بسم الله الرحمن الرحيم
ИҚТИСОДИЙ НИЗОМ ҲАҚИДА СЎЗ БОШИ
Фикрлар қайси умматда бўлмасин, агар ёш, навқирон уммат бўлса ўз ҳаётида эришган энг катта бойлик ва агар илгаридан ёрқин фикр юритиб келган кўҳна уммат бўлса, кейинги авлод ўз аждодларидан олган энг катта туҳфа ҳисобланади.
Моддий бойликлар, илмий кашфиётлар, саноат соҳасидаги ихтиролар ва шу кабиларнинг фикрларга нисбатан тутган мавқеи анча паст бўлиб, уларга эришиш ҳам, уларни сақлаб қолиш ҳам фикрларга боғлиқдир.
Чунки агар умматнинг моддий бойлиги йўқ қилинсаю, лекин уммат ўз фикрий бойлигини сақлаб қолган бўлса, моддий бойликни тезда тиклаб олиш мумкин. Аммо агар уммат моддий бойлигини сақлаб қолган бўлсаю, лекин фикрий бойлигидан айрилган бўлса, у ҳолда бу бойлик ҳам тез орада қўлдан кетади ва уммат қашшоқлик ҳолатига тушиб қолади. Шунингдек уммат агар фикрлаш тариқатини йўқотмаган бўлса, ўзи кашф қилган, бироқ кейинчалик йўқотган кўпгина илмий ҳақиқатларни қайтадан қўлга киритиши мумкин. Аммо агар самарали фикрлаш тариқатини йўқотган бўлса у ҳолда уммат тезда қолоқлашади ва ўзи эришган кашфиёт ва ихтиролардан ҳам маҳрум бўлади. Шунга биноан энг аввало фикрларга қаттиқ эътибор бериш лозим, кейин шу фикрлар асосида ва фикрлашнинг самарали тариқатига таяниб моддий бойлик қўлга киритилади ва илмий кашфиётлар, саноат соҳасидаги ихтиролар ва шу кабиларга эришишга ҳаракат қилинади.
Фикрлар деганда умматда ўз ҳаёти воқеалари хусусида фикрлаш процесси (жараёни) мавжудлиги кўзда тутилади. Бу процесс шу уммат аъзоларининг барчаси воқеаларни кузатиш пайтида шу воқеалар устидан ҳукм чиқариш учун ўзларидаги маълумотларни ишлата билишлари билан изоҳланади (яъни уммат аъзолари ўзларидаги маълумотларни воқеалар устидан ҳукм чиқариш учун ишлата билсалар, шунда уларда фикрлаш процесси вужудга келади). Бошқача айтадиган бўлсак, бу процесс одамларда фикрлар мавжудлиги бўлиб, улар бу фикрларни ҳаётда ишлатиш билан янгилик ярата оладилар ва бу фикрларни муваффақиятли тарзда қайта-қайта ишлатиш натижасида уларда фикрлашнинг самарали тариқати ҳосил бўлади.
4-бет
Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134