|
Энди бу авлоднинг фикрларга мойиллигига келсак, у Ислом билан капитализм ҳукм ва муолажаларини бир-бирига мувофиқлаштиришга уринди. Бунинг иложи йўқлигини кўргач, бундан ҳафсаласи пир бўлди. У ҳатто Исломни ҳаётдаги янги-янги муаммоларга ечим беришдан ожиз деб ҳисоблаш, шунинг учун Ислом билан капитализмни бир-бирига мувофиқлаштириб ўтирмай, капиталистик ҳукм ва ечимларни қандай бўлса шундай олиш зарур, деб билиш даражасигача етди. У цивилизацияга эришган олам билан ҳаёт майдонида бирга қадам ташлай олиш ва капитализм тузумида яшаётган миллатлар ёки социализм татбиқ қилиниб, коммунизм сари кетаётган халқлар карвонига қўшилиш учун (чунки бу миллат ва халқлар унинг назарида тараққиётга эришган халқлар эди) Ислом аҳкомларини тарк қилишнинг ва ғайриисломий аҳкомларни олишнинг ҳеч бири зарари йўқ, деб ҳисоблайдиган бўлиб қолди. Аммо Исломга маҳкам ёпишишга уринган қолган озгина одамларга келсак, уларда ҳам капитализм фикрларига бўлган худди шу мойилликнинг ўзи бор эди. Лекин улар капитализм билан Исломни бир-бирига мувофиқлаштириш мумкинлигидан ҳали умидни узмаган эдилар. Бироқ Ислом билан бошқа тузумларни бир-бирига мувофиқлаштиришга уринган бу кимсаларнинг ҳаёт майдонида ҳеч қандай таъсирлари ва жамиятда, яъни одамлар ўртасида бўладиган амалий алоқаларда ҳеч бир ўринлари йўқ эди.
Шундай қилиб, ҳаёт муаммоларини муолажа қилиш (ечиш) учун Исломий фикрларни ва шаръий аҳкомларни бериш фикрдан ва фикрлаш тариқатидан холи бўлган ақллар билан, барчадаги капитализм ёки социализм фикрларига бўлган мойилликлар билан тўқнаш келган эди. Шунингдек, у капитализм тузуми ҳукм сураётган амалий ҳаёт воқелиги билан ҳам тўқнаш келган эди. Шунинг учун агар фикр нафслар ва ақлларда ларзани пайдо қиладиган даражада кучли бўлмас экан, бундай фикр одамларни ҳаракатга келтира олмайди, у ҳатто эътибор беришга ҳам арзимайди. Шунинг учун ларзага келтирадиган кучли фикр бўлиши лозим. Чунки у танбал, саёз ақлларни чуқур фикрлашга ундамоғи ва бузуқ майллар, касал завқларни ларзага келтириб, уларни тузатмоғи лозим. Шундагина у Исломий фикрлар ва шаръий аҳкомларга содиқ майлларни пайдо қила олади.
6-бет
Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134