|
бўлиши мумкин бўлмайди. Чунки товар ва хизматларга эга бўлиш (улардан баҳраманд бўлиш) тўғрисида қурол кучи ёрдамида зўрлаб ва мажбуран улар ўртасида тенглик ўрнатилган тақдирда ҳам, бироқ ишлаб чиқарилган бу молларни истеъмол қилиш ва улардан фойдаланишда тенглик ўрнатишнинг иложи йўқ. Шунингдек улар ўртасида эҳтиёжларини қондирувчи нарсалар миқдори бўйича ҳам тенглик ўрнатишнинг иложи йўқ. Демак, одамлар ўртасида тенглик ўрнатиш ҳаёлий ишдир.
Бундан ташқари, одамларнинг қувватларида тафовут бўла туриб, улар ўртасида тенглик ўрнатишнинг ўзи ҳам социалистлар амалга оширишни даъво қилаётган адолатга тўғри келмайди. Чунки одамларнинг куч-қувватда бири-биридан устун бўлиши, манфаатлар ва ишлаб чиқариш воситаларига эга бўлишда бир-биридан фарқ қилиши муқаррар ва табиий ишдир. Шунинг учун тенглик ўрнатишга бўлган ҳар қандай уриниш муваффақиятсизликка маҳкумдир. Чунки бундай уриниш одамлар ўртасида мавжуд бўлган тафовут фитратига зиддир.
Хусусий мулкни бутунлай тугатиш ҳам инсон фитратига зиддир. Чунки мулкчилик ёки мулкка эгалик қилиш инсонда сўзсиз мавжуд бўлган бақо (ўз ҳаётини сақлаб қолиш) ғаризаси (табиий истак, инстинкт)нинг бир кўринишидир. У инсонда фитрий бўлиб, вужудининг бир қисми ва табиий куч-тоқатларининг бир кўриниши ҳисобланади. Демак, уни ғаризий бўлганлиги учун йўқ қилиб бўлмайди. Инсон тирик экан, ундаги ғаризий бирон нарсани олиб ташлаш мумкин эмас. Уни йўқотишга бўлган ҳар қандай уриниш зўравонлик бўлиб, безовталикка олиб келади. Шунинг учун бу ғаризани йўқ қилиш эмас, балки тартибга солиш зарур. Мулкчиликни қисман тугатишга келсак, бу ҳолатда қаралади. Агар эгалик қилинадиган товарларни муайян миқдор билан чегаралаб қўйилса, унда мулкчиликни сон билан чегаралаб қўйилган бўлади. Бундай қилиш эса жоиз эмас. Чунки у инсон фаолиятини чеклаб қўяди, унинг меҳнатини йўққа чиқаради ва маҳсулот ишлаб чиқаришини камайтиради. Чунки бундай қилиш инсонни эгалик қилаётган мулк миқдоридан ортиғига эгалик қилишдан тўсиб, уни маълум чегарада тўхташга мажбур қилади. Натижада инсон ўз фаолиятини давом эттиришдан маҳрум бўлади. жамият ҳам бу шахсларнинг меҳнатидан фойдаланишдан маҳрум бўлади.
39-бет
Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134