|
МУСУЛМОНЛАРНИНГ ВОҚЕИ ВА БУ
ВОҚЕ ТАҚОЗО ҚИЛАЁТГАН ИШЛАР
Биз яшаётган бугунги воқе узоқ тарих мобайнида умматимизнинг бошига тушган энг оғир воқе бўлди. Бу воқе мўминларни инқилоб қилиш учун ҳаракат қилишга, мухлисларни уйғонишга, ёшларни фидоий бўлишга ундайди. Қандай ҳам ундамасин?! Ҳукмдорларнинг тазйиқи қаттиқ. Ҳаммаси бирлашганга ўхшагани билан диллари хилма-хил, фақат хиёнат устида бирлаша оладилар. Ажралганларида ҳам залолат йўлида юрмоқдалар. Қаерда бўлмасинлар Аллоҳдан тақво қилмаётирлар. Бирон кун ҳам унинг ҳукмига итоат этмаётирлар. Шунинг учун ҳам инқилоб қилиш учун ҳаракат қилиш ҳар бир мусулмон учун фарздир. Ҳар бир мусулмон ўзининг воқеидан таъсирланувчи эмас, балки унга таъсир этувчи бўлишга тайёрланиб, уни соғлом воқега айлантириш учун ҳаракат қилмоғи лозим. У бу воқени тузганлар ва уни ёқтираётганлар томонидан қаттиқ қаршиликларга ва қийинчиликларга йўлиқишини ҳисобга олиб қўйсин. Чунки улар бу воқенинг ўзгаришини хоҳламайдилар. Ўзларидаги ҳамма воситаларни ишга солиб, аввалги араблар, хусусан, Қурайш Пайғамбар с.а.в. ва у кишининг саҳобаларига қарши турганидек, бу воқени ўзгартирмоқчи бўлаётганларга қарши турадилар.
Бу бузуқ воқени сақлаб қолишга уринаётганлар бу воқега таъсир кўрсатувчиларга эмас, ундан таъсирланувчиларга эътибор бермайдилар. Чунки улар бу воқени қандай ишлар ўзгартира олишини яхши биладилар.
Бугунги воқеимиз ҳақида Пайғамбар с.а.в. хабар бериб, шундай деган эдилар: «Динларингизнинг аввали пайғамбарлик ва раҳматдир. Бас, пайғамбарлик ораларингда Аллоҳ Таоло хоҳлаганича бўлади, сўнг, Аллоҳ Таоло уни кўтаради. Кейин ёвуз подшоҳлик бўлади. Бас, у ораларингда Аллоҳ Таоло хоҳлаганича бўлади, сўнг, Аллоҳ Таоло уни кўтаради. Кейин зўравон подшоҳлик бўлади. Бас, у ораларингда Аллоҳ Таоло хоҳлаганича бўлади. Кейин Аллоҳ Таоло уни кўтаради. Кейин пайғамбарлик йўлига асосланган халифалик бўлади, одамлар орасида у пайғамбарлик суннати билан иш олиб боради. Ерда Исломни маҳкам ушлайди. Ундан осмон аҳолиси ҳам, ер аҳолиси ҳам мамнун бўлади. Осмон бир томчи ҳам олиб қолмай ўзидаги бор нарсани унга тўкади. Ер ҳам ўзидаги бор ўсимликлару бойликларни унга чиқариб беради».
Бу ҳадис бизга мусулмонларнинг келажакда ҳукмдорлари хилма-хил бўлган бир неча даврларни босиб ўтишлари ҳақида хабар бераётир. Шунингдек, у одамлар орасида Пайғамбар с.а.в.нинг суннати билан иш юритадиган халифалик даври яна қайтажаги ҳақида хушхабар бераётир. Бу нарса халифаликни тиклаш учун ҳаракат қилаётган мусулмонларга ишонч бахш этади. Бу ҳадис билан улар қачон бўлишидан қатъи назар халифалик қайта тикланишига ишонадилар.
108-бет
Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122