kutubhona

Гоҳо баъзи одамлар: «Шариат бажаришга рухсат берган ишларни аёл киши қандай бажаради? Масалан, номаҳрам эркак билан хилватда қолмаслик, ясан-тусан қилмаслик ҳамда хусусий ҳаётда аёллар ва маҳрамлар билан яшаш каби шариат унга қўйган чекловлар билан қандай қилиб давлат хизматчиси, хусуматларни ажрим қилувчи қози ва ҳокимлар билан баҳслашиб, уларни муҳосаба қилувчи уммат мажлиси аъзоси бўлиши мумкин?», деб сўраб қолишади.

Гоҳо эса бошқа одамларда ҳам: «Агар аёлга бозорларга бориш, эркаклар билан мунозара қилиш ва умумий ҳаётда жамиятдаги ишларни бажариш учун рухсат берилса, ахлоқ қандай қилиб сақлаб қолинади? Юксак фазилатлар қандай қилиб муҳофаза этилади?», деган савол туғилади.

Бу икки савол ва уларга ўхшаган шубҳа қўзғатувчи саволлар кўпинча бундай одамларга ижтимоий низомга доир шаръий ҳукмлар тақдим этилган пайтда пайдо бўлади. Чунки улар капиталистик тузум ҳукмронлик қилаётган ва куфр байроғи соясида ўзлари яшаётган ҳаёт воқелигини кўрадилар. Шу туфайли Исломнинг татбиқ этилишини тасаввур қилишлари қийин кечади.

Бу саволларга жавоб шуки, Исломдаги ижтимоий низом бир-бирига мутаносиб турли шаръий ҳукмлардан иборат бўлиб, бир ҳукмга риоя қилиш талаби бошқа бир ҳукмга риоя қилмасликни билдирмайди. Балки бир шахсда зиддият юзага келмаслиги ва бунинг оқибатида аҳкомларда зиддият бордек бўлиб кўринмаслиги учун мусулмон эркак ва аёл барча шаръий ҳукмларга риоя қилиши зарур. Ислом аёлга турли ишларни бажаришга рухсат берган пайтда аёл ўзи хизматчи бўлиб ишлайдиган давлат идорасига, гарчи касалхонада ҳамшира бўлса ҳам, зеб-зийнатларини тақиб, худди никоҳ кечасидаги келинчакдек ўзини тайёрлаб боришини ёки ўзига мафтун қилувчи зеб-зийнатлар билан эркакларга кўриниб боришини ва уларнинг шаҳватларини қўзғатиб, ўзини намойиш қилишини кўзда тутмайди. Шунингдек, бу зеб-зийнатлар билан дўконга боришини, харидорни мафтун қиладиган сўзлар билан ёқимли ҳолатда савдо-сотиқни амалга оширишини ёки савдо дўконида молнинг нархини кўтариш ва уни сотиб олишга қизиқтириш баҳонасида харидорга сўз ташлаш билан завқланишни ҳам назарда тутмайди. Ислом аёлнинг адвокат ҳузурида котиба ёки бошлиқнинг секретари бўлиб ишлашини ҳамда иш юзасидан ёлғиз қолишга зарурат туғилганда бошлиқ билан ёлғиз қолишни ва сочи, кўкраги, елкаси, билак ва болдирлари очилиб қоладиган кийимларни бошлиғи учун кийишини, яланғоч баданидан унинг шаҳватини