|
Юқоридаги фикрлар Аллоҳ муслима аёлларга ҳижобни фарз қилганлигини даъво қилувчилар далил қилиб келтиришган оятлар хусусида эди. Ҳижобга далил қилиб келтирилган ҳадислар эса унга далолат қилмайди. Масалан, мукотаб, яъни озод бўлиш учун битим тузган қул битимдаги пул миқдорича (яъни, адо қиладиган) пулга эга бўлса, ундан ҳижобланиш лозимлиги ҳақидаги ҳадис Пайғамбар с.а.в.нинг аёлларига хосдир. Буни Абу Қалобанинг ҳадиси ҳам таoкидлайди:
«كان أزواج النبي r لا يحتجبن من مكاتب ما بقي عليه دينار»
«Пайғамбар с.а.в.нинг жуфтлари мукотабнинг зиммасида бир динор қолмагунча ундан ҳижобланмас эдилар». (Байҳақий ривояти). Кўриниб турибдики, ҳадисда муслима аёл ҳижобланишига бирор ишора йўқ. Умму Салама ҳадисида Расулуллоҳ с.а.в. ундан ва Маймунадан ҳижобланишларини талаб қилганларига келсак, бу ҳадис Пайғамбар с.а.в.нинг аёлларига хосдир ва бу ҳадис Умму Салама ва Маймуна ҳақида баён қилган. Ҳадис матни қуйидагича: Ибн Шиҳоб Умму Саламанинг қули Набаҳондан ривоят қилади, Умму Салама унга айтиб берганки: «Мен ва Маймуна Расулуллоҳ ҳузурларида эдик. Биз у кишининг ҳузурларида турганимизда, ибн Умми Мактум келиб, у кишининг ҳузурларига кирди. Бу воқеа бизга ҳижоб фарз қилингандан кейин юз берганди. Шунда Расулуллоҳ с.а.в. дедилар: «Ундан ҳижобланинглар». Мен айтдимки: «У кўр, бизни кўрмайди ва танимайди ҳам». Шунда у зот: «Сизлар ҳам кўрмисизлар, уни кўрмаяпсизларми?» дедилар (Термизий ривояти). Оиша онамиздан қуйидаги ҳадис ривоят қилинган:
«كان الركبان يمرون بنا ونحن مع رسول الله محرمات فإذا حاذى بنا سدلت إحدانا جلبابها من رأسها على وجهها فإذا جاوزنا كشفناه»
«Бизлар Расулуллоҳ с.а.в. билан бирга эҳромда эдик, олдимиздан отлиқлар ўтиб туришарди. Бизнинг рўпарамиздан ўтишганда, биз жилбоб (ёпинчиғ)имизни бошдан юзга тушириб олар, ўтиб кетишгандан кейин очар эдик». Бу ҳадис Бухорий ибн Умардан ривоят қилган ҳадисга зиддир:
«لا تنتقب المرأة الحرمة ولا تلبس القفازين»
57-бет
Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181