|
Ислом эркакнинг либоси аёлнинг либосидан фарқли бўлишини буюрганидек, аёлнинг либоси ҳам эркакнинг либосидан фарқли бўлишини буюрди. Ҳамда улардан бирини иккинчисига кийимда ва унинг ўзигагина хос бўлиб, бошқасини ундан ажратиб турадиган нарсаларда (масалан, тананинг баъзи аъзоларини зийнатлашда) ўхшаб қолишдан ман қилди. Абу Ҳурайрадан ривоят қилинади:
«لعن رسول الله r الرجل يلبس لبسة المرأة, والمرأة تلبس لبسة الرجل»
«Расулуллоҳ с.а.в. аёлнинг кийимини киядиган эркакни ва эркакнинг кийимини киядиган аёлни лаънатладилар». (Ҳоким ривояти). Ибн Абу Мулайкадан ривоят қилинади: Оиша р.а.дан эркаклар оёқ кийимини киядиган аёл ҳақида сўралганда:
«إن المرأة تلبس النعل؟ فقالت: لعن رسول الله r الرجلة من النساء»
«Расулуллоҳ с.а.в. аёлларнинг эркакларга тақлид қилганларини лаънатлаганлар», деб жавоб бердилар. (Заҳабий ривояти). Абдуллоҳ ибн Амрнинг Расулуллоҳ с.а.в.дан эшитдим деб айтгани ривоят қилинади:
«ليس منا من تشبه بالرجال من النساء»
«ўзларини эркакларга ўхшатган аёллар биздан эмас». (Табароний ривояти). Ибн Аббосдан ривоят қилинади:
«Набий А. ўзини аёлларга ўхшатадиган эркакларни ва ўзини эркакларга ўхшатадиган аёлларни лаънатладилар» ва:
«أخرجوهم من بيوتكن»
«Уларни уйларингиздан чиқариб юборинглар», деб айтганлар. Ибн Аббос айтадилар:
«فأخرج النبي r فلاناً وأخرج عمر فلاناً»
«Набий А. фалончини чиқариб юбордилар, Умар эса фалончини чиқариб юборди».
«لعن رسول الله r المتشبهين من الرجال بالنساء والمتشبهات من النساء بالرجال»
«Расулуллоҳ с.а.в. ўзларини аёлларга ўхшатган эркакларни ва ўзларини эркакларга ўхшатган аёлларни лаънатладилар». (Бухорий ривояти).
Ислом аёл учун маҳрни эркакнинг зиммасига юклаб, уни аёлнинг эркак зиммасидаги ҳаққи қилиб қўйди. Ҳолбуки (никоҳдан) баҳраманд бўлиш ёлғиз эркак учун эмас, балки эркак ва аёл учундир. Аллоҳ Таоло дейди:
71-бет
Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181