|
ИСЛОМ УММАТИНИНГ ВАЗИФАСИ
Ислом ақидасини коинот, инсон ва ҳаёт ҳақидаги умумий фикрат, сиёсий ақида, фикрий асос, ҳаёт ҳақидаги муайян нуқтаи назар сифатида қабул қилган Ислом уммати оламда адашиб гандраклаб юрганини, сиёсий ва иқтисодий зулм остида тинкаси қуриётганини, шафқатсиз кучга қуллик қилиш учун бўйсунаётганини, бахтиқаролик, қуллик ва хорлик даҳшатлари остида инграётганини ва олам билан бирга ўзи ҳам шу аҳволга тушиб қолганини кўриб турган Ислом уммати оламни қутқариш ҳамда адашиш ва адаштириш зулматларидан ҳидоят нурига, ҳаёт саодатига олиб чиқиш вазифасини ўз зиммасига олиши лозим. Ислом уммати шафқатсиз куч зулми остида тинкаси қуриётган бўлса ҳам фақат ўзини ўйлаши жоиз эмас, зеро, худбинлик у қабул қилган ақидадан узоқ ва қалбида кўтариб юрган қийматлар ва фикрларга бегонадир. Шунинг учун ўзини қутқариш билан бир қаторда оламни қутқариш ҳақида ҳам ўйлаши ва фақат ўзини эмас, бутун оламни озод қилиш вазифасини зиммасига олиши керак. Зеро, Ислом уммати ҳам бу оламнинг бир бўлагидир. Ислом уммати инсониятни ҳидоят қилиш учун вужудга келган. У Ислом ақидасини қабул қилганидан бошлаб бутун инсониятни бахтсизликдан қутқариш, зулм ва мусибатдан, хорлик ва қулликдан халос этиш унинг устида фарз бўлиб қолди.
Ислом уммати ҳаёт ҳақидаги асосий фикрат— сиёсий фикратни, шунингдек бу фикратни ҳаётда ижро қилиш тариқатини қабул қилган. Бирор уммат тўғри фикратга тариқати билан эга бўлса, бу уммат, шубҳасиз инсониятга эзгулик беришга ва ушбу фикрат етакчилигини ёйишга лойиқдир. Шунинг учун Ислом уммати тўғри уйғонишга, шу билан бирга бошқалар учун эзгулик манбаи бўлишга ва одамларга ушбу фикратни фикрий етакчилик ва ҳаёт ҳақидаги нуқтаи назар сифатида ёйишга ҳам қодирдир. Шунингдек у Ислом давъватини халқлар ва умматларга ёйиш орқали оламнинг муаммоларини ҳал қилишга ва у қулаб бораётган бахтсизлик, қуллик ва хорликдан қутқаришга ҳам қодирдир.
56-бет
Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80