|
ФРАНЦИЯ СИЁСАТИ
Франциянинг асосий сиёсати буюклик сиёсатидир. Мана шу омил Франциянинг барча сиёсий ишлари учун асосдир. Бинобарин у олиб бораётган сиёсий ишлар ушбу буюклик асосига қурилади. Унинг мустамлакачилик фаолиятини буюклик сиёсати ҳаракатга келтиради. У мустамлака қилиш ва босиб олишга киришган вақтида буюклик сиёсати асосида ҳаракат қилади. Мустамлакаларидан воз кечишга шошилмаган ва қарши чиққан вақтида уни бунга буюклик сиёсати ундаган эди. Францияни Германия босиб олганига ва у бу босқиндан заиф аҳволда чиққанига қарамасдан, ўз вужудини янгидан бино қилиш ҳаракатига тушди ва яна буюк давлат бўлишга интилди. Бу ишларни ҳам буюклик сиёсатига биноан олиб борди. Франция Англия ва Америкадан ўз вужудини қайта бино қилиш учун ёрдам сўрашга уринганда ҳам, Англияга рақобат қилишни ва Америкага зид фаолият олиб боришни бошлаганда ҳам бу сиёсати талабига мувофиқ ҳаракат қилган эди. Демак буюклик сиёсати унинг асосий сиёсатидир.
Иккинчи жаҳон урушидан олдин ва кейин Франция икки иш билан машғул бўлди. Бири, Европадаги вазияти, иккинчиси, императорлик вазияти, яъни ўз мустамлакаларини сақлаб қолиш вазияти. Географик вазиятига келсак, у Европадаги географик ўринга кўра доим Германиядан қўрқар ва Англияни ҳам ҳисобга олмай иложи йўқ эди. Шунинг учун унинг хавотири шу икки давлатдан эди. У Германиядан Франция чегараларига бостириб келишидан, Англиядан эса Европага ҳукмрон бўлиб олишидан қўрқарди. Шунинг учун ҳамма ишлари ва сиёсатларини чегараларини ҳимоя қилиш ва Европада кучлар мувозанатини сақлаб қолиш асосида олиб боради. Франциянинг Европадаги сиёсати шу икки асосга, яъни чегараларини ҳимоя қилиш ва Европанинг етакчиси бўлишга интилиш асосига қурилган. Энди Франциянинг императорлик вазиятига келсак, Франция дунёда қадимдан босиб олиш ва мустамлака қилиш ҳаракатларини олиб борган. Натижада у Осиёда Сурия ва Ливан, Африкада Шимолий Африка ўлкаларини, Сенегал, Сомали, Гвинея ва бошқа давлатларни, Узоқ Шарқда эса Ҳиндихитой давлатларини мустамлака қилди.
30-бет
Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80