|
Бундан ташқари Совет Иттифоқининг сиёсати тубдан ўзгарди. Аввалда бу сиёсат ҳарбий таҳдидларга суянган бўлса, энди сиёсий ишларга суяна бошлади. Билвосита ва бевосита ҳарбий таҳдидлар услубидан воз кечиб, Совет Иттифоқининг устунлиги услубини ва коммунистик бўлмаган оламда Совет Иттифоқининг техникавий ва иқтисодий жиҳатдан эришган ютуқларини восита қилиб коммунизмни сингдириш услубини қўллай бошлади ва иқтисодий ва ҳарбий ёрдамлар сиёсатини бошлаб юборди. Коммунистик бўлмаган оламни Совет Иттифоқи нуфузига бўйсундириш йўлида шу сиёсатга суянди. Европага муносабати эса қуйидагича бўлди: Шарқий Европани ўз чангалида қаттиқ тутди ва унинг аҳлига Американинг коммунизмга бўйсунган халқларни озод қилишдаги сиёсати муваффақият топмаганини ҳис қилдирди. Англияга яхши муомала қилиб, Франция билан алоқалар ўрнатишга, ҳаракат қила бошлади. Ғарбий Берлин ва Ғарбий Германияни заифлаштиришга уринди. Олтмишинчи йиллар бошланмасдан Россиянинг қудрати жуда ҳам ортди ва оламга, хусусан Америкага бўлган хатари эътиборга лойиқ бўлиб қолди.
Бу билан Америкага тузган сиёсатининг хатолиги яққол кўринди ва у бу сиёсатда давом этиш хатарли эканини англади. Шундан сўнг янги сиёсат ишлаб чиқди. Бу ўзгариш Эйзенхауэрнинг охирги вақтларига тўғри келди. Сўнг бу сиёсатнинг бунёдкори Долс вафот этди. Натижада Америка вазиятни ўрганиш ва янги сиёсат ишлаб чиқишда айтарли олдинга силжимади. Бу ҳолат то Жон Кеннеди АҚШга президент бўлгунча давом этди. У келиб Америкаликлар фикр қилаётган бу янги сиёсатни қабул қилди ва унга тиниқ изоҳ берди. Сўнг Россия билан Эйзенхауэр даврида бошланган махфий алоқаларни мукаммаллаштиришга киришди. 1961 йил июнp ойида Хрушчёв Кеннеди билан учрашди ва Россия билан Америка ўртасида яширин келишувлар тузилди. Шу даврдан бошлаб Америка дунёда аввалги сиёсатдан бошқа бўлган янги сиёсатга қадам ташлади.
23-бет
Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80