|
РОССИЯ СИЁСАТИ
Россия сиёсати тўрт даврни босиб ўтган. Улар қуйидагилардан иборат: 1. Россиянинг подшоҳлик давридаги сиёсати. Бу сиёсат ватанпарварлик сиёсати бўлиб, икки ишга асосланган: Россияни ҳимоя қилиш ва унинг ҳудуди ва нуфузини кенгайтириш. 2. Коммунистик партия Россияда ҳокимиятни ўз қўлига олганидан кейин коммунистик сиёсати даври келди ва давлатнинг сиёсати оламшумул инқилобни вужудга келтириш ва коммунизмни бутун оламга ёйишни мақсад қилган коммунистик сиёсатга айланди. 3. Ленин вафот этиб, Россияда ҳокимиятни Сталин эгаллагач коммунистик Россия сиёсати даври келди ва давлат сиёсати коммунистик Россия сиёсатига айланди. Бу сиёсат оламшумул инқилобни вужудга келтириш ва коммунизмни бутун оламга ёйиш учун ҳаракат қилишни сақлаган ҳолда Россия давлатини сақлаб қолишни сиёсатнинг ягона асоси қилиб олган эди. Чунки оламшумул инқилобни амалга ошириш ва коммунизмни ёйиш фақатгина Россия орқали ва уни сақлаб қолиш билан амалга ошади. Демак Россия давлатини сақлаб қолиш уни кенгайтириш ва нуфузини ошириш қаерда бўлишидан қатъий назар ҳар бир коммунистнинг бурчи бўлиши ва олиб бораётган ҳар бир ишида коммунистик сиёсатнинг вазифаси бўлиши лозим эди. Шунинг учун Сталин айтганидек: «Инқилобчи Совет Иттифоқини ҳимоя қилиш ва унинг қувватини оширишга ҳеч бир иккиланмасдан ва тўхталмасдан, ҳар қандай шароит ва вазиятда бажонидил тайёр бўлган шахсдир... Совет фуқароси Совет Иттифоқини ҳимоя қилишда ҳеч қанақа шарт қўймайди ва иккиланмайди, чунки Совет Иттифоқи бутун олам инқилобий ҳаракатининг пойдеворидир. Совет Иттифоқини сақламасдан туриб бу ҳаракатни мудофаа қилиш ва ривожлантириш мумкин эмас». 4. Кейинчалик бу сиёсат Россияни ҳимоя қилиш, унинг ҳудудини кенгайтириш ва нуфузини ошириш учун коммунизмни ва коммунист партияларни восита қилиб олган соф рус сиёсатига айланди, яъни подшоҳлик давридаги рус сиёсатига қайтди.
35-бет
Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80