|
нарсасига фикрини жамлаб оладиган бўлгандан сўнг қироатга ўтирсин. Агар раҳмат оятини ўқиса, Роббисидан ўзига ва барча мусулмонларга раҳм қилишини сўрайди. Агар азоб ҳақида хабар берган оятларни ўқиса, Аллоҳдан Унинг азобидан паноҳ тилайди. Аллоҳни поклаш ҳақидаги оятларни ўқиса Уни поклайди ва тасбеҳ айтади. Шундай қилиб у қироат билан таъсирланиб, унинг ичига шўнғиб кетади ва фақат шу билан машғул бўлади. Хузайфа ибн Ямандан ривоят қилинади: «Расулуллоҳ қироат қилаётган вақтларида, агар раҳмат оятини ўқисалар, (Аллоҳдан раҳм қилишини) сўрардилар, агар азоб ҳақидаги оятни ўқисалар Аллоҳнинг азобидан паноҳ сўрардилар, агар унда Аллоҳни поклаш бўлган оятларни ўқисалар, Аллоҳни поклаб, тасбеҳ айтардилар». Аҳмад, Муслим, Абу Довуд, Термизий ва Нисоий ривояти. Масалан даъватчи Аллоҳнинг «Бақара» сурасидаги қуйидаги оятини ўқиса:
أَمْ حَسِبْتُمْ أَنْ تَدْخُلُوا الْجَنَّةَ وَلَمَّا يَأْتِكُمْ مَثَلُ الَّذِينَ خَلَوْا مِنْ قَبْلِكُمْ مَسَّتْهُمُ الْبَأْسَاءُ وَالضَّرَّاءُ وَزُلْزِلُوا حَتَّى يَقُولَ الرَّسُولُ وَالَّذِينَ آمَنُوا مَعَهُ مَتَى نَصْرُ اللَّهِ أَلاَ إِنَّ نَصْرَ اللَّهِ قَرِيبٌ
– „Ёки (эй мўминлар) сизлардан илгариги ўтган зотлар ибрати сизларга келмай туриб жаннатга киришни ўйладингизми? Уларга бало ва мусибатлар (устма-уст) келиб, шундай ларзага тушган эдиларки ҳатто пайғамбар ва иймонли кишилар „Ахир қачон Аллоҳнинг ёрдами келади?“ дейишган эди. (Шунда) уларга бундай жавоб бўлган эди: „Огоҳ бўлингизким Аллоҳнинг ёрдами яқиндир“. [2:214]
Айтиш лозимки, эй Аллоҳ бизга ўз ёрдамингни туширгин, ёрдамингни бизга яқин қилгин, ё роббал аламин.
Агар «Моида» сурасидаги қуйидаги оятни ўқиса:
وَكُلُوا مِمَّا رَزَقَكُمُ اللَّهُ حَلاَلاً طَيِّبًا وَاتَّقُوا اللَّهَ الَّذِي أَنْتُمْ بِهِ مُؤْمِنُونَ
– „Аллоҳ сизларга ҳалол-пок қилиб берган ризқлардан енглар. Сиз ўзингиз иймон келтирувчи бўлган Аллоҳдан тақво қилинглар“. [5:88]
Айтиш лозимки, эй Аллоҳ менинг ризқимни ҳалол-пок қилгин, мени тақводорлардан айлагин.
Агар «Шувро» сурасидаги Аллоҳнинг қуйидаги оятини ўқиса:
وَهُوَ الَّذِي يَقْبَلُ التَّوْبَةَ عَنْ عِبَادِهِ وَيَعْفُو عَنِ السَّيِّئَاتِ وَيَعْلَمُ مَا تَفْعَلُونَ
– „У шундай Зотки ўз бандаларидан тавбаларини қабул қилади, гуноҳларни кечиради ва сизлар қилаётган нарсаларни билиб туради“. [42:25]
Аллоҳга дуо қилиши лозимки, эй Аллоҳ, сенга тавба қилдим, тавбамни қабул этиб, гуноҳларимни авф айла.
«Қоф» сурасида ушбу оятни ўқиганда:
فَاصْبِرْ عَلَى مَا يَقُولُونَ وَسَبِّحْ بِحَمْدِ رَبِّكَ قَبْلَ طُلُوعِ الشَّمْسِ وَقَبْلَ الْغُرُوبِ
– „Бас, (эй Муҳаммад) улар (кофирлар) айтаётган сўзларга сабр тоқат қилинг ва қуёш чиқишидан илгари ва ботишдан аввал Парвардигорингизга ҳамду-сано айтиш билан (У Зотни) покланг-намоз ўқинг!“ [50:39]
Айтиш лозимки, Аллоҳни поклайман, Унга ҳамд айтаман. Буюк Аллоҳ пок Зотдир.
81-бет
Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100