|
وَكُلاَّ نَقُصُّ عَلَيْكَ مِنْ أَنْبَاءِ الرُّسُلِ مَا نُثَبِّتُ بِهِ فُؤَادَكَ وَجَاءَكَ فِي هَذِهِ الْحَقُّ وَمَوْعِظَةٌ وَذِكْرَى لِلْمُؤْمِنِينَ
– „(Эй Муҳаммад) сизга пайғамбарларнинг хабарларидан дилингизни мустаҳкам қиладиган қиссаларни сўйлаб берурмиз ва бу қиссаларда сизга ҳақиқат, панд-насиҳат ҳамда барча мўминлар учун эслатмалар келди“. [11:120]
Ушбу оятни ўқиган даъватчи пайғамбарларнинг хабарлари саботга чорловчи муҳим асос эканини тушинади, ўзига лозим бўлган саботни ҳосил қилиш учун уларни ўрганишга астойдил киришади.
2- Даъватчи муҳтож бўладиган муҳим сифатлардан яна бири - Аллоҳнинг нусрати келгунга қадар - одамларнинг «ёлғончи» дея қилган туҳматларига, улардан келган азобларга сабр-тоқат ила чидашдир. Зеро, даъватчи ушбу бардошсиз ҳеч қачон ғалабага эриша олмайди. Аллоҳ Таоло ҳам уни ғалаба нашидаси билан сийламайди.
Ҳақ Таоло «Анъом» сурасида шундай марҳамат қилади:
وَلَقَدْ كُذِّبَتْ رُسُلٌ مِنْ قَبْلِكَ فَصَبَرُوا عَلَى مَا كُذِّبُوا وَأُوذُوا حَتَّى أَتَاهُمْ نَصْرُنَا وَلاَ مُبَدِّلَ لِكَلِمَاتِ اللَّهِ وَلَقَدْ جَاءَكَ مِنْ نَبَإِ الْمُرْسَلِينَ
– „Маълумки, сиздан аввалги пайғамбарлар ҳам ёлғончи қилинганлар. Бас, то уларга бизнинг ёрдамимиз келгунга қадар ёлғончи қилинган ва озорланганларига сабр этганлар. Аллоҳнинг („Пайғамбаримни ўзим қўллайман“) деган сўзларини ўзгартира олувчи бирон кимса йўқдир. Ахир сизга (Эй Муҳаммад) ўтган пайғамбарларнинг айрим хабарлари келган-ку!“ [6:34]
Ушбу ояти каримани ўқиган даъватчи пайғамбарларнинг қисса ва хабарларида ёруғликни, Аллоҳнинг ваъда қилган нусратини интизорлик билан кутган ҳолда, сабрга ундовчи илоҳий кучни кўради.
3- Даъватчи Аллоҳ йўлида холис Аллоҳ учун ҳаракат қилмоғи ва бунинг эвазига мол-дунё, обрў-эътибор, бирор дунёвий ғараз умид қилмаслиги лозим. Шунда унинг амали пайғамбарларнинг амалига ўхшайди. Бинобарин, улардан ўрнак олмоқ ҳам зарур. Аллоҳнинг пайғамбари Нуҳ А. ўз қавмига шундай хитоб қилади:
وَيَاقَوْمِ لاَ أَسْأَلُكُمْ عَلَيْهِ مَالاً إِنْ أَجْرِي إِلاَّ عَلَى اللَّهِ …
– „Эй қавмим мен сизлардан бу (даъватим) учун мол-дунё сўрамайман. Менинг ажр-мукофотим фақат Аллоҳнинг зиммасидадир“. [11:29]
Худ А. эса, Од қавмига шундай хитоб қилади:
يَاقَوْمِ لاَ أَسْأَلُكُمْ عَلَيْهِ أَجْرًا إِنْ أَجْرِي إِلاَّ عَلَى الَّذِي فَطَرَنِي أَفَلاَ تَعْقِلُونَ
– „Эй қавмим, мен сизлардан бу (даъватим) учун ажр-мукофот сўрамайман. Менинг ажр-мукофотим фақат, мени яратган Зот зиммасидадир. Ахир ақлларингни ишлатмайсизми?!“ [11:51]
Солиҳ А. ўз қавми Самудга шундай хитоб қилади:
30-бет
Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100