НУСРАТИ

Даъватни ёювчи пайғамбарларнинг ишини давом эттиради. Бироқ пайғамбарларнинг ўзига хос бўлган ишлар бундан мустаснодир. Пайғамбарлар диннинг асоси ва ақидалар хусусида ўрнак ва намунадир, деган эдик. Бу айтганларимиз Аллоҳ Таоло ўзининг пайғамбарлари ва элчиларига нусрат (ёрдам, ғалаба) бериши мавзусига ҳам тааллуқлидир. Зеро, Аллоҳ Таоло пайғамбарлари ва элчиларига нусрат берганидек, даъватни ёювчига ҳам нусрат беради. Аммо Аллоҳ Таолонинг пайғамбарлари ва элчиларига берадиган нусрати қандай бўлади, қачон нусрат беради, буларни билиш учун шу мавзуга алоқадор оятларни кўриб чиқиш лозим бўлади.

Пайғамбар ва элчиларнинг Қуръонда зикр қилинган қиссаларини кўриб чиқилса, Аллоҳ Таолонинг уларга берадиган нусрати уч турли эканлиги маълум бўлади.

1- Пайғамбарнинг ўзига қавми, мухолифлари ва душманларига қарши бериладиган нусрат.

2- Пайғамбар ёки элчи олиб келган даъват ва мафкурага бериладиган нусрат.

3- Ҳам пайғамбарга, ҳам даъватга бериладиган нусрат.

Аллоҳ Таоло пайғамбарларидан Нуҳ, Ҳуд, Солиҳ, Шуъайб ва Лут (алайҳи-с-салоту ва-с-салом)лар учун қавмларига қарши нусрат берди. Яъни бу пайғамбарларнинг қавмларини ҳар хил азоб ва фалокатлар билан йўқ қилиб юборди. Бу нусрат пайғамбарлар учун қавмларига қарши берилган нусратдир.
Аллоҳ Таоло пайғамбарларидан Юнус ва Мусо А.лар олиб келган мафкура ва даъватнинг ёйилишига нусрат берди. Натижада Юнус А.нинг қавми иймон келтирди. Бану Исроил иймон келтирди. Бу нусрат мафкура ва даъватга берилган нусратдир.

Аллоҳ Таоло пайғамбари Муҳаммад А.га душманлари: қурайш, яҳудийлар, Арабистон ярим ороли ва атрофидаги бошқа арабларга қарши нусрат берди. Шу билан бирга у олиб келган мафкураси, даъвати ва динига ҳам нусрат берди. Натижада араб ва ажамлар Ислом динига иймон келтирди. Бу нусрат пайғамбарга ва у олиб келган даъватга берилган нусратдир.

Демак, Аллоҳ Таоло пайғамбарининг ўзига ёки пайғамбари олиб келган шариатга ёки пайғамбари ва у олиб келган шариатига нусрат беради. Бу масала очиқ-ойдин равшандир. Бу ерда унга далолат қилувчи оятларни келтиришга эҳтиёж йўқ.

Пайғамбар ва элчиларга берилаётган нусратни Аллоҳ Таоло бевосита Ўзи беради ёки уларга ёрдам берадиган одамлар орқали беради. Бу икки ҳолатга ҳам далолат қиладиган оятлар кўп бўлиб, улардан биринчи ҳолатга далолат қилувчи қуйидаги оятларни келтирамиз:
Аллоҳ Таоло «Анбиё» сурасида марҳамат қилади:

40-бет

Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100