|
Шунинг учун ҳар бир мўмин мусулмон киши, хусусан, даъват етказувчилар ҳақни сўзламоқлари ва унга амал қилмоқлари, ҳар қандай шароитда ҳам ҳақдан оғишмай, унда изчил даъват этмоқлари вожибдир. Акс ҳолда, улар бу карвондаги мавқеъларини йўқотадилар. Зеро, улар карвондаги ушбу мавқеъда мустаҳкам турмоқлари ва карвоннинг сарбонлигида давом этмоқлари учун фақат Ҳақ Таолога итоат этишлари ва шу итоатга аҳд қилишлари лозимдир. Аллоҳнинг пайғамбар ва расуллари юрган ҳамда ўрнак қилиб қолдирган тўғри ва чароғон йўл ҳам айнан шундайдир.
Парвардигори олам «Аъроф» сурасида марҳамат қилади:
لَقَدْ جَاءَتْ رُسُلُ رَبِّنَا بِالْحَقِّ
– „Ҳақиқатан, Парвардигоримизнинг расуллари (элчилари) ҳақ (йўл)ни олиб келдилар“. [7:43]
Исломга амал қилувчи, Аллоҳга даъват этувчи, холис мусулмонлар пайғамбарлар юрган айнан шу йўлдан бормоқлари вожибдир.
Ҳақ Таоло «Аъроф» сурасида эслатади:
وَمِمَّنْ خَلَقْنَا أُمَّةٌ يَهْدُونَ بِالْحَقِّ وَبِهِ يَعْدِلُونَ
– „Биз яратган зотлар орасида одамларни ҳақ (дин) билан ҳидоят қиладиган ва ҳақ (қонун) билан адолат қиладиган бир жамоъа ҳам бордир“. [7:181]
Даъват етказувчи киши асло унутмасинки, душманлар ёки нодонлар ҳақни сўзлашдан, ҳаққа амал қилишдан ва ҳаққа даъват этишдан чалғитишга уринадилар. Ҳар хил нотўғри таклифлар ва йўлдан оздирувчи ишларни «тақдим» этадилар. Даъват етказувчи уларнинг бундай алдовларига учмасин!
13-бет
Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100