|
Мусо А. Бани Исроилнинг Мисрдан чиқиши ва Фиръавн зулмидан қутилишига ҳеч қандай шак-шубҳа йўқ эканлигига аниқ ишонди. Шунинг учун ҳам Мусонинг асхоблари денгиз сохилига етгач, ортларидан таъқиб қилиб келаётган Фиръавн қўшинларини кўриб, илоҳий ваъдага шак келтирдилар:
فَلَمَّا تَرَاءَى الْجَمْعَانِ قَالَ أَصْحَابُ مُوسَى إِنَّا لَمُدْرَكُونَ
– „Қачонки икки жамоат бир-бирларини кўришгач Мусонинг ҳамроҳлари: „Бизлар аниқ тутилдик (чунки олдимизда фақат денгиз бор)“ дедилар“. [26:61]
Аллоҳнинг пайғамбари эса, шундай мушкул аҳволда ҳам Аллоҳнинг ваъдаси ҳақ эканига асло иккиланмади. Балки у Аллоҳнинг Фиръавндан халос этишига қилган ваъдасига аниқ ишониб, ҳамроҳларига шундай жавоб қилди:
قَالَ كَلاَّ إِنَّ مَعِي رَبِّي سَيَهْدِينِي
– „Мусо айтди: „Йўқ, аниқки мен билан бирга Парвардигорим бор. Албатта У мени (нажот) йўлига бошлар“. [26:62]
Ушбу қиссадан ҳисса шуки, пайғамбарлар изидан бораётган даъватчи Аллоҳнинг ваъдасига ишонч билан, албатта амалга ошадиган ҳақиқат деб қарамоғи лозим. Чунки, Аллоҳ Таоло ҳаргиз, ваъдага вафосизлик қилмас. Мана Аллоҳнинг пайғамбари Мусо А.ни Бани Исроил қавмини Фиръавн ҳукмидан ва салтанатидан халос этишга буюрди. Мусо А. эса, Аллоҳнинг бу амрини шубҳасиз амалга ошувчи иш деб билди. У Бани Исроил билан йўл юриб денгизга етдилар. Ундан ўтиш учун эса кемалар йўқ эди. Даҳшатли манзара: олдинда душмандек денгиз, ортда эса, денгиздек душман. Бироқ, шу дамда Мусо А. нажотнинг бирон бир чорасини топа олмаса-да, унинг иймони иймон, ишончи ишончлигича қолди. Шу билан бирга, нажот топишга унинг ишончи комил эди. У айтди:
كَلاَّ إِنَّ مَعِي رَبِّي سَيَهْدِينِي
– „Йўқ, аниқки мен билан бирга Парвардигорим бор. Албатта у мени (нажот) йўлига бошлар“. [26:62]
Ушбу оятдаги «калла» сўзи Фиръавн аскарлари Мусо ҳамроҳларига ҳаргиз ета олмаслигини англатади. Чунки уларни етиб олиши Мусо аниқ ишонган нажотнинг келмаслиги демакдир. Мусо А.нинг иймони шу қадар кучли эдики, у ҳеч қандай нажот чораси йўқ маҳалда, إِنَّ مَعِي رَبِّي سَيَهْدِينِي деган ишончда барқарор турди.
وَعَدَ اللَّهُ الَّذِينَ آمَنُوا مِنْكُمْ وَعَمِلُوا الصَّالِحَاتِ لَيَسْتَخْلِفَنَّهُم فِي الأَرْضِ كَمَا اسْتَخْلَفَ الَّذِينَ مِنْ قَبْلِهِمْ وَلَيُمَكِّنَنَّ لَهُمْ دِينَهُمْ الَّذِي ارْتَضَى لَهُمْ وَلَيُبَدِّلَنَّهُمْ مِنْ بَعْدِ خَوْفِهِمْ أَمْنًا يَعْبُدُونَنِي لاَ يُشْرِكُونَ بِي شَيْئًا وَمَنْ كَفَرَ بَعْدَ ذَلِكَ فَأُوْلَئِكَ هُمُ الْفَاسِقُونَ
33-бет
Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100