|
بَلْ تُؤْثِرُونَ الْحَيَاةَ الدُّنْيَا -16, وَالآخِرَةُ خَيْرٌ وَأَبْقَى -17,
– „Йўқ, сизлар (эй кофирлар) ҳаёти дунёни устун қўюрсизлар. Ҳолбуки, охират яхшироқ ва боқийроқдир“. [87:16,17]
Булардан бошқа яна бир неча оятлар мавжудки, бу оятларнинг барчаси охиратни қўйиб, дунёни яхши кўришдан ва бунинг оқибати жаҳаннам эканлигидан огоҳ этади. Ушбу оятлар дунёни севиш ва охиратдан устун кўриш жаҳаннам аҳли бўлмиш кофирларнинг маслаки эканини маълум қилади.
Аллоҳ «Худ» сурасида марҳамат қилади:
مَنْ كَانَ يُرِيدُ الْحَيَاةَ الدُّنْيَا وَزِينَتَهَا نُوَفِّ إِلَيْهِمْ أَعْمَالَهُمْ فِيهَا وَهُمْ فِيهَا لَا يُبْخَسُونَ -15, أُوْلَئِكَ الَّذِينَ لَيْسَ لَهُمْ فِي الآخِرَةِ إِلاَّ النَّارُ وَحَبِطَ مَا صَنَعُوا فِيهَا وَبَاطِلٌ مَا كَانُوا يَعْمَلُونَ -16,
– „Ким (фақат) шу ҳаёти дунё ва унинг зебу-зийнатларини хоҳласа, уларга қилган амалларини (ажр-мукофотини) шу дунёнинг ўзида берамиз. (Улар бу дунёда ҳамма нарсага эга бўлурлар) зиён кўрмайдилар. Ундай кимсалар учун охиратда дўзах ўтидан ўзга ҳеч нарса йўқдир. Уларнинг бу дунёда қилган яхши амаллари бекор бўлур ва ҳамма амаллари бефойдадир“. [11:15,16]
«Иброҳим» сурасида айтади:
اللَّهِ الَّذِي لَهُ مَا فِي السَّمَاوَاتِ وَمَا فِي الأَرْضِ وَوَيْلٌ لِلْكَافِرِينَ مِنْ عَذَابٍ شَدِيدٍ -2, الَّذِينَ يَسْتَحِبُّونَ الْحَيَاةَ الدُّنْيَا عَلَى الآخِرَةِ وَيَصُدُّونَ عَنْ سَبِيلِ اللَّهِ وَيَبْغُونَهَا عِوَجًا أُوْلَئِكَ فِي ضَلاَلٍ بَعِيدٍ -3,
– „Аллоҳ еру осмонлар Унинг ўзиники бўлган Зотдир. Кофирлар учун қаттиқ азоб бўлғай. Улар ҳаёти дунёни охиратдан афзал кўрадиган (ҳамда одамларни) Аллоҳнинг йўлидан тўсадиган ва уни (эгиб-букишни) истайдиган кимсалардир. Ана ўшалар (ҳақ йўлдан) йироқ бўлган гумроҳдирлар“. [14:2,3]
«ан-Наазият» сурасида айтади:
فَأَمَّا مَنْ طَغَى -37, وَآثَرَ الْحَيَاةَ الدُّنْيَا -38, فَإِنَّ الْجَحِيمَ هِيَ الْمَأْوَى -39,
– „Бас, кимки (ҳаёти дунёда) туғён қилса ва ҳаёти дунёни (охиратдан) устун қўйса унинг жойи жаҳаннамдир“. [79:37-39]
Шунинг учун ақлли ва зийрак мусулмон ўзини дунё тузоқларига илиниб қолишдан халос этиши ва ҳақиқий ҳаёт ва барқарор ҳовлиси бўлмиш охират учун амал қилиши вожиб. Шаддод ибн Авсдан ривоят қилинади. Расулуллоҳ дедилар: «Нафси бўйсунадиган ва ўлимдан кейинги ҳаёт учун амал қилган инсон энг зийракдир. Нафс-ҳавоси кўйига кирган ва Аллоҳдан орзу-умидлар қилган инсон эса, энг ожиз, нотовондир». Термизий ривоят қилган ва ҳасан деган. Бу ҳадисни Аҳмад, ибни Можжа ва Ҳоким ҳам ривоят қилганлар.
70-бет
Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100