|
Ушбу оятлардаги „Кўп одамларга эса кофир бўлганлари сабабли азоб ҳақ бўлгандир“ ҳамда „Дарҳақиқат бу одамларнинг кўпчилиги қайта тирилиб, Парвардигорларига рўбарў бўлишни инкор қилгувчилардир“, деган сўзлар азобланажак кофирлар Парвардигори оламга бўйсинувчи борлиқ карвонидан айрилиб чиққанидан дарак беради. Аллоҳ Таоло бу айрилиш ва узилишни энг хунук жирканчли сўз билан тасвирлаб «Тавба» сурасида марҳамат қилди:
إِنَّمَا الْمُشْرِكُونَ نَجَسٌ
– „Ҳеч шак-шубҳасиз мушриклар нажас кимсалардир“. [9:28]
Қуръон оятларида «нажас» (нопок) сўзи бир марта келган. У ҳам бўлса шу оятда. Аллоҳ Таоло кофир мушрикларни нажас-ифлосга нисбат берди. Зеро, бутун борлиқ Аллоҳ Таолога осийлик қилишдан покиза ҳолатда яратилган. Кофирларнинг нажас деб таърифланиши бутун борлиқни яратган Зотга бўйсинувчи борлиқ карвонидан айрилиб, борлиқнинг йўналишига қарши чиқишганига очиқ далилдир. Кофирлар бу қилмишлари сабабли нажас нарсалардек улоқтириб ташланиши лозим. Бинобарин, кофир инсон ва кофир жинлар шу борлиқда Парвардигори оламга итоатсизлик ва бўйсинмаслик ҳолатидадир.
Инсонни жамики махлуқот орасидан танлаб олишни ўз ҳикмати билан ихтиёр этган Аллоҳ Субҳонаҳу ва Таоло уни барча махлуқотдан афзал қилди, ҳатто ер ва осмонлардаги жамики махлуқотни шу инсонга бўйсундирди.
Аллоҳ Таоло «Луқмон» сурасида ушбу оятларни эслатади:
أَلَمْ تَرَوْا أَنَّ اللَّهَ سَخَّرَ لَكُمْ مَا فِي السَّمَاوَاتِ وَمَا فِي الأَرْضِ وَأَسْبَغَ عَلَيْكُمْ نِعَمَهُ ظَاهِرَةً وَبَاطِنَةً
– „(Эй инсонлар), Аллоҳ осмонлар ва ердаги барча мавжудотни сизларга бўйсундириб қўйганини ва сизларга барча зоҳирий ва ботиний неъматларни комил қилиб берганини кўрмадингларми?!“ [31:20]
«Жосия» сурасида айтади:
وَسَخَّرَ لَكُمْ مَا فِي السَّمَاوَاتِ وَمَا فِي الأَرْضِ جَمِيعًا مِنْهُ إِنَّ فِي ذَلِكَ لآيَاتٍ لِقَوْمٍ يَتَفَكَّرُونَ
– „Аллоҳ Таоло сизларга осмонлардаги ва ердаги барча мавжудотни ўз хоҳиш-иродаси билан бўйсундирди. Албатта бунда тафаккур қиладиган қавм учун оят-ибратлар бордир“. [45:13]
Демак, Аллоҳ Таолонинг кофирлардан бошқа барча махлуқотлари, сафнинг бошида мусулмон жамоъа билан борлиқ карвонида Ҳақ Таолонинг қонуни бўйича ҳаракат қилади ва яшайди.
Мусулмон инсоннинг ушбу улкан карвондаги мавқеъи аён бўлди. Бу карвондаги даъват етказувчининг мавқеъи нима?
Аллоҳ Субҳонаҳу ва Таоло пайғамбар ва расулларини жамики махлуқотдан, ҳатто, барча инсонлардан ҳам афзал қилди.
8-бет
Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100