|
ШУ КУННИНГ ВОҚЕСИ
Одамларда кунда бўлиб турган ҳолат уларнинг шахс, жамоа ва жамият бўлишларидан қатъий назар ҳар бир нарса хусусида суст фикрлашлари. Ҳар бир нарсани арзиса-арзимаса ўрганаверадилар, фикрлайверадилар, тадқиқ қилаверадилар. Бу нарса топқирликни вужудга келтириш учун замин тайёрлашга зид иш. Чунки у инсонни тез фикрлашдан аста-аста узоқлаштириб, суст фикрлаш, ўрганавериш, тадқиқ қилаверишларга мубтало қилиб қўяди. Шунинг учун ҳам топқирликни вужудга келтиришда бу воқедан чиқиб тез фикрлаш сари юрмоқ лозим. Модомики суст фикрлашдан чиқилмас экан, топқирликни юзага келтиришга ҳам, унинг заминини ҳозирлашга ҳам ўтиб бўлмайди. Демак, ҳал қилишдаги эътибор топқирликнинг ўзини эмас, унинг заминини, фикратини ёки унинг учун тайёргарликни юзага келтиришга қаратилмоғи лозим.
Топқирлик билан топқирликнинг содир бўлиши орасида фарқ бор. Масалан, Умар ибн Хаттобнинг асрини, шу асрда яшаган жамоани ёки Ислом билан бошқарилаётган жамиятини олайлик. Шахсларда ҳам, жамоаларда ҳам, жамиятда ҳам топқирлик кучли тарзда мавжуд эди. Топқирлик Умар ибн Хаттоб t ёки жамоасидаги бошқа биронтасидан содир бўлиши муҳим эмас. Муҳими унинг мавжудлиги. Биз мана шу асрда мусулмонлар жамоасида ва уларнинг Ислом билан бошқарилаётган жамиятида уни вужудга келтирмоқчимиз. Ундан кейин етакчиларда ёки оддий одамларда унинг бўлиш-бўлмаслиги бошқа масала. Лекин у заковатлилардан содир бўлади, эси пастлардан эса камдан-кам содир бўлиши мумкин.
Бор мавзу йўқдан бор қилиш эмас, бўлиб турган воқени ҳал қилишдан иборат. Бўлиб турган воқе топқирлик заминининг йўқлигини кўрсатяпти. Демак, мақсад – уни вужудга келтириш. Яъни, ҳамма нарсадан аввал мана шу заминни ҳозирлаш. Шу туфайли воқени, одамларнинг ҳолатини англаб туриб, улар ҳал қилинади. Воқе суст фикрлаш, ўрганавериш, текширавериш фикратининг мавжудлиги. Мана шунинг ўзи топқирлик фикратини ўлдиришга кифоя. Демак, умуман ўрганавериш, текширавериш фикратини йўқ қилиш керак. Токи топқирлик фикрати вужудга келсин. Ҳамма нарсадан аввал замин ва иқлим ҳозирлаш лозим. Ундан кейин топқирлик вужудга келади.
Топқирликни вужудга келтириш хусусидаги айтиб ўтганларимиз уни пайдо қиладиган фикрлар бўлса-да, лекин ҳар ҳолда унинг заминини, иқлимини ҳозирлаш лозим. Демак, асл иқлим ва заминдир. Улар эса дилга ва нуқтаи назарга алоқадор. Замин дилнинг касаллик хатарини англаб, даволанишга тайёр бўлишидир.
45-бет
Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61