|
топқирлик чуқур фикр юритишдан ҳосил бўлди. Яна бир мисол – кимнингдир келаётгани хусусидаги хабарни эшитганингиз заҳоти келувчи, унинг давлати, бу ташрифдан аввал бўлиб ўтган ишлар ва унинг натижасида содир бўладиган ишлар тўғрисида фикр юритиб, ундан кўзланган мақсадни илғаб олишингиз ёрқин фикр юритишингиздир. Чунки сиз нарсанинг ўзи, унинг атрофидаги нарсалар ва унга алоқадор нарсалар ҳақида фикр юритиб, ҳукмингизни чиқардингиз. Демак, бу ердаги топқирлик ёрқин фикр юритишдан ҳосил бўлган. Яна бир мисол – кимнингдир тўсатдан келиб қолишидан ажаблангансиз. Мана шу ажабланишингиз сизни ундаги мақсадни англашга олиб борган. Бу чуқур ҳам, ёрқин ҳам эмас, оддий фикр юритишдир. Лекин топқирликни англаш ёки фикр юритишнинг ўзи эмас, балки уларга асосланган тез ҳукм чиқариш вужудга келтиради. Шунга биноан, топқирлик тез фикр юритишдан ҳосил бўлади. Унинг чуқур ё ёрқин ёки оддий бўлишининг фарқи йўқ. Муҳими фикр юритиш манбаи эмас, тезликдир.
Шунга кўра, топқирлик аста-секин фикр юритишга зид келади, лекин чуқур, ёрқин ва оддий фикр юритишга зид келмайди. Чунки бу ерда муҳими тезлик, холос. Топқирлик халқлар, миллатлар, шахслар, жамоалар ва гуруҳларнинг ҳаммаси учун зарурий бир ишдир. Чунки бошқа шахслар билан ё бошқа миллат ва халқлар билан ёки ишларни бошқаришда ҳаёт уммонига шўнғиш усиз бўлмайди. Зеро, ҳаёт дея аталмиш жангда зафар қучиш учун икки иш зарур. Улардан бири – нарсалар устидан тезда ҳукм чиқариб, ўшанга яраша иш тутиш. Шундай қилинмаса, муваффақиятсизликка учраб, ҳаёт юки оғирлашиб боради. Замон ўтгани сари тўсиқлар кўпайиб, юк янада оғирлашиб боради. Бу ҳолат ҳаёт жангида ютқазишга олиб боради. Иккинчиси эса ҳаёт жангида кишини поғонама-поғона юқорига тез олиб чиқадиган нарса унга берилган фурсатлардир. Шу фурсатлар билан у масофаларни кесиб ўтади. Фурсатни ғанимат билмаса, ўтиб кетиб қолади. Қайтиб келмаслиги ҳам мумкин. Шу билан ундан фойдаланишдан маҳрум бўлади. Фурсатлар кетма-кет бой берилаверса, ривожланишдаги суръат йўқолиб, ўрнида тўхтаб, қотиб қолади ва ҳаёт жангида мағлуб бўлади. Ҳаммасига сабаб топқирликнинг етишмаслигидир. Шунинг учун ҳам ҳаёт жангида зафар қучиш учун топқирлик зарурий бир ишдир. У таълим, тафаккур, тайёргарлик, ихтиро, саноат, тижорат, зироат ва бошқа ишлар билан ҳаёт жангида ғолиб бўлиш учун керак бўлади. Агар уларга топқирлик ҳамроҳ бўлмаса, уларнинг қадр-қиммати қолмайди. Давлатлар, халқлар ва миллатлар жанг майдонида душманни ишга яроқсиз қилиб қўйишга эътиборларини
3-бет
Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61