| Албатта ҳукм Аллоҳникидур |
 |
Сиёсий сақофий таҳлилий
сайт |
|
Шунинг учун Ҳизб Исломга даъват қилишни кенг кўламда олиб боради, Умматга ҳаёт муаммоларини муолажа қиладиган шаръий аҳкомларни ёритиб беради, ёлғиз Ислом билан ҳукм юритиш учун иш олиб боради, мустамлакачи кофирга қарши уни таг-томири билан қўпориб ташлаш учун курашади, мустамлака малайларига қарши аёвсиз кураш олиб боради, хоҳ улар мустамлакачиликнинг фикрий етакчилиги ва мабдаларини тарқатаётган, хоҳ унинг сиёсати ва фикрларини қабул этаётган бўлсин, бунинг фарқи йўқ.
Ислом даъватини ёйиш ва бу йўлда сиёсий кураш олиб бориш Ҳизб ўзига мажол (фаолият майдони) қилиб белгилаган жамиятда бўлади. Ҳизбут Таҳрир бутун Ислом оламидаги жамиятни битта жамият деб эътибор қилади. Чунки унинг барча масаласи битта, яъни Ислом масаласидир. Лекин Ҳизб араб юртларини исломий юртларнинг бир қисми сифатида бошланиш нуқтаси қилиб белгилайди. Ҳизб Буюк Исломий давлатнинг ўзаги сифатида араб юртларида Исломий давлатнинг вужудга келишини бу йўлдаги табиий қадам, деб билади.
Ислом оламидаги жамият ўта ёмон сиёсий ҳолатда бўлиб, у ғарб давлатлари томонидан бутунлай мустамлака қилингандир. Унда мустақиллик белгилари кўринаётган бўлишига қарамасдан, ҳануз мустамлака бўлиб келмоқда. У капиталистик демократик фикрий етакчиликка батамом бўйсунгандир. Унга ҳукм ва сиёсатда демократик қонунлар, иқтисодда эса капиталистик низом татбиқ қилинмоқда. Ҳарбий соҳада, қурол-яроғ, ҳарбий тайёргарлик ва бошқа ҳарбий фанларда унинг жилови ажнабийнинг қўлида, ташқи сиёсатда ҳам у ўзини мустамлака қилиб турган ажнабий сиёсатга тобедир. Шунинг учун айта оламизки, Ислом юртлари ҳамон мустамлака бўлиб, бу юртларда мустамлакачилик ҳануз ўрнашиб турибди. Зеро, мустамлакачилик – заиф халқлардан ўз манфаати йўлида фойдаланиш учун улар устидан ҳарбий, сиёсий, иқтисодий ва маърифий ҳукмронликни ўрнатишдир. У ўз фикрий етакчилигини мажбурлаб тиқиштириш ва бу етакчиликнинг ҳаёт ҳақидаги нуқтаи назарини ўрнатиш учун барча кучларни ишга солмоқда. Мустамлакачиликнинг турли шакллари мағлуб мамлакатни ғолиб мамлакат ерларига қўшиб олишни, мустамлака ерларини вужудга келтириш ва номига мустақил, амалда эса мустамлакачи давлатга бўйсунадиган ҳукуматларни барпо қилишни ўз ичига олади. Исломий юртлардаги воқе шундай. Чунки уларнинг ҳаммаси ғарб ҳукмрон-лигига бўйсунган бўлиб, маърифий соҳада ғарб мустамлакачилиги дастурларига мувофиқ ҳаракат қилмоқда. Ислом юртлари ғарб мустамлакачили-гига бўйсунганлиги билан бирга рус босқинининг ҳам мўлжалида турибди. Чунки Россия бу юртларда ўзининг малайлари воситасида – коммунистик ақидани одамлар қабул қилишлари учун – коммунистик мабдага даъват қилиш орқали унинг фикрий етакчилигини ва ҳаёт ҳақидаги нуқтаи назарини ҳукмрон қилиш мақсадида иш олиб бормоқда.
46-бет
Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49
|