Албатта ҳукм Аллоҳникидур Сиёсий сақофий таҳлилий
сайт

 

 

Исломни ҳаётда татбиқ қилишга ёрдам беришлари учун бошқа оқимлар ва мабдалардан фойдаланиш зарурлигига чақирар эдилар. Натижада Исломий давлатни қайтариш учун фаолият олиб боришдан бўйин товлаш ва мусулмонларга мусулмонлар қўли билан куфр аҳкомлари татбиқ этилишига сукут сақлаш ҳосил бўлди.
Юқорида айтиб ўтилган ишлар сабабли мусулмонларни уйғотиш ва Исломнинг буюклигини қайта тиклаш учун юзага келган ислоҳий ҳаракатларнинг барчаси муваффақиятсизликка учради. Шундай бўлиши табиий эди. Чунки улар исломий ҳаракатлар бўлса-да, Исломни хато тушунганликлари сабабли чигалликларни орттирар, муаммоларни чигаллаштирар, Исломни жамиятда татбиқ қилишга ҳаракат қилиш ўрнига жамиятни Исломдан узоқлаштирар эдилар.
Шунинг учун Исломни фикрат ва тариқат сифатида тушуниб, у иккисини бир-бирига боғлай оладиган, исломий ўлкаларнинг бирида исломий ҳаётни қайта бошлаш учун иш олиб борадиган исломий ҳаракат зарур бўлиб қолди. Токи бу ўлка исломий даъват келиб чиқадиган бошланиш нуқтаси, сўнгра эса Исломга даъват қилишнинг ҳаракат нуқтаси бўлиб қолсин.
Шунга асосан Ҳизбут Таҳрир вужудга келди ҳамда Исломнинг таянч нуқтаси ва Буюк Исломий давлатнинг ўзаги бўладиган бир ёки бир неча ўлкаларда Исломий давлатни вужудга келтириш орқали исломий ҳаётни қайта бошлаш учун фаолият кўрсата бошлади. Бундан бутун Ислом оламида исломий ҳаётнинг қайта бошланиши табиий равишда келиб чиқади. Бу Буюк Исломий давлат исломий юртларнинг барчасида Исломни мукаммал татбиқ қилиш ва исломий даъватни бутун оламга олиб чиқиш орқали исломий ҳаётни қайта бошлайди.

Ўрганиш, фикр юритиш ва изланишлардан кейин ушбу Ҳизбут Таҳрир муайян шаръий аҳкомларни табанний қилди. Уларнинг баъзилари шахслар ўртасида ва шахсларнинг ўзаро алоқа-ларида содир бўладиган шахсий муаммоларнинг муолажаларига алоқадор аҳкомлардир. Масалан, деҳқончилик учун ерни ижарага беришнинг ман қилиниши каби. Уларнинг баъзиси мусулмонлар билан бошқалар орасида ҳамда мусулмонларнинг бошқалар билан қиладиган алоқаларида содир бўладиган умумий раъйларга тааллуқли аҳкомлардир. Масалан, мажбурий битимлар тузишнинг жоизлиги, жангни бошлашдан аввал Исломга даъват қилиш ва ҳоказо. Уларнинг баъзилари эса фикрларга тааллуқли бўлиб, булар ҳам бошқа шаръий аҳкомлар каби шаръий аҳкомлардир. «Вожибни адо этиш учун зарур бўлган иш ҳам вожибдир», қоидасига ўхшаган ва «Шаръий ҳукм – Шореънинг бандалар феълларига тааллуқли хитобидир», деган шаръий аҳкомлар таърифига ўхшаган ва шулар каби куллий қоидалар ва таърифлар сингари ва ҳоказо. Ҳизб мазкур аҳкомларни табанний қилди ва – Исломга даъват қилар экан – уларга ҳам даъват қила бошлади. Бу раъйлар, фикрлар ва аҳкомлар исломийдир, ўзгача эмас. Уларда ғайриисломий бирор нарса йўқ, улар ғайриисломий нарсаларнинг бирортасидан таъсирланган ҳам эмас.

 

8-бет

Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49