Албатта ҳукм Аллоҳникидур Сиёсий сақофий таҳлилий
сайт

 

 

Бинобарин ҳис қилиш аввало фикрга олиб бориши, сўнгра бу фикр амалга олиб бориши зарур. Бу услуб воқедан юқори туришга ҳамда яхши ҳолатларга инқилобий равишда кўчиш учун иш олиб боришга имкон беради. Воқени ҳис қилиб, бевосита амалга киришадиган киши воқени ўзгартира олмайди, балки унинг амали ўзини воқега мувофиқ шакллантиришдан иборат бўлади. Натижада у қолоқ ва тубан ҳолда қолади. Воқени ҳис қилиб, сўнг уни ўзгартириш кайфияти ҳақида фикрлаб, кейин шу фикр асосида амал қиладиган киши воқени ўз мабдасига мувофиқ шакллантиради ва уни бутунлай ўзгартиради. Бу усул исломий ҳаётни қайта бошлашнинг ягона тариқати бўлган инқилобий тариқатнинг айнан ўзидир. Чунки бу тариқат фикр ҳис қилишдан келиб чиқишини ва бу фикр зеҳнда фикрат ва тариқатнинг ҳандасий шаклини чизиб берадиган даражада тиниқ бўлишини тақозо этади. Натижада инсон мабдани тўғри идрок қилади. Бу идрок уни амалга олиб боради, ҳатто фикрда тўлиқ инқилоб юзага келади. Шунда у шахслар, жамиятлар ва муҳитларни шу фикр билан тайёрлашга киришади. Токи мабда – фикрат ва унинг тариқати – ҳақида оммавий онг вужудга келгандан сўнг раъйи омда инқилоб пайдо бўлсин. Шундан сўнг ҳокимият орқали мабдани инқилобий равишда татбиқ қилишга киришилади, татбиқ этишда ҳеч қандай тадрижийлик ёки «ямоқ солиш» қабул этилмайди. Ушбу инқилобий тариқат фикр ҳис қилишдан келиб чиқишини ва амал билан бирлашиб, муайян ғоя учун бўлишини талаб қилади. Бунга фақат чуқур фикргина олиб боради.
Бу чуқур фикр уни вужудга келтирадиган ёки ўстириб бойитадиган нарсага муҳтож бўлади. Инқилобий тариқат шахсларни ва жамиятни исломий мабда асосида тайёрлашга муҳтож бўлади. Бу чуқур фикрни вужудга келтириш ва шахсларни мабда асосида тайёрлаш амал қилишни хоҳловчи кишилардан Ислом ҳамда жамиятни ўрганишларини талаб қилади. Бу фақат зеҳнни маълумотлар билан бойитиш орқали амалга ошади. Фикрни вужудга келтиришга ёрдам бериши учун бу маълумотларни зеҳнга етказишнинг энг осон ва яқин йўли ўрганишдир.

Ўрганишда Исломнинг ўзига хос тариқати бор. Унга риоя қилиш бу ўрганишни самарали қилади. Бу тариқат шундан иборатки, маълумотлар амал қилиш учун ўрганилиши ва ўрганувчи уларни фикрлаб ҳамда таъcирли, яъни туйғуларига таъсир кўрсатадиган суратда қабул қилиши лозим, токи унинг ҳаётни ва ҳаёт вазифаларини ҳис қилиши таъсирли фикрдан келиб чиққан ҳис бўлсин. Ҳатто бир вақтнинг ўзида ўрганувчида жўшқинлик, шижоат, фикр ва бой маърифат вужудга келсин ҳамда татбиқ табиий натижага айлансин. Ўрганишдаги бу тариқат ўрганувчида тушунишни ва тушунган нарсаларни таъсирли шаклда етказиш лаёқатини пайдо қилишидан ташқари, бу тариқат фикрни кенгайтиради, фикрни туйғу билан боғлайди ва ўрганувчига ҳаёт муаммоларини муолажа қиладиган ҳақиқатларни ўргатади. Шу сабабли ўрганиш қуруқ билим орттириш учун бўлиб қолмаслиги лозим, токи ўрганувчи ҳаракатланадиган китобга ўхшаб қолмасин.

 

36-бет

Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49