Албатта ҳукм Аллоҳникидур Сиёсий сақофий таҳлилий
сайт

 

 

Шунинг учун Аллоҳ Таоло Пайғамбари с.а.в.ни ундан огоҳлантириб айтганки:
وَاحْذَرْهُمْ أَنْ يَفْتِنُوكَ عَنْ بَعْضِ مَا أَنزَلَ اللَّهُ إِلَيْك
– „Аллоҳ сизга нозил қилган аҳкомларнинг айримларидан сизни буриб фитнага солиб қўйишларидан эҳтиёт бўлинг“.                                                                                                                                               [5:49]
Умар ибн Хаттоб қозиси Шурайҳга Аллоҳнинг Китобига қарашни тавсия қилиб шундай дедилар: «Сени нуфузли кишилар Қуръондан буриб қўймасин». Шунинг учун даъватни ёювчилар бирор мухлис тарафидан Исломга зид айтилган сўздан ёки даъватни эъзозловчи киши фойдали деган ҳужжат билан билдирган Исломга зид раъйлардан эҳтиёт бўлишлари лозим. Бундай ишлардан эҳтиёт бўлсинлар ва ҳеч кимга бундай иш қилиш имконини бермасинлар. Чунки бундай ишда очиқ залолат бор. Исломга бўлган даъват билан исломий ҳаётни қайта бошлашга бўлган даъват ўртасини ажратиб олиш лозим. Шунингдек, уммат ичида исломий уюшма сифатида бир жамоа олиб борадиган даъват билан Исломий давлат олиб борадиган даъват ўртасини ажратиб олиш лозим.
Исломга бўлган даъват билан исломий ҳаётни қайта бошлашга бўлган даъват ўртасини ажратиб олиш даъват интилаётган ғояни билиш учун керакдир. Улар ўртасидаги фарқ шуки, Исломга бўлган даъват ғайримусулмонларга олиб чиқилиб, улар Исломни қабул қилишга ва унинг қўрғонига киришга даъват қилинадилар. Уларни даъват қилишнинг амалий тариқати қуйидагича: Улар Ислом нурини кўришлари учун Исломий давлат томонидан Ислом аҳкомлари асосида бошқариладилар ва Исломнинг буюклигини идрок қилишлари учун унинг ақида ва аҳкомлари уларга баён қилиниб, улар Исломга даъват қилинадилар. Шунинг учун Исломга бўлган даъватни Исломий давлат олиб бориши лозим.

Аммо исломий ҳаётни қайта бошлашга бўлган даъватни шахслар эмас, уюшма олиб бориши керак. Исломий ҳаётни қайтадан бошлашга бўлган даъват шундан иборат: Одамларининг ҳаммаси мусулмон бўлса-да, Ислом билан бошқарилмаётган жамият ғайриисломий жамият бўлади ва уни «дорул-куфр» дейиш муносибдир. У ерда Исломни татбиқ қиладиган ва унинг даъватини бошқаларга олиб борадиган Исломий давлат барпо бўлиши учун даъват олиб борилади. Бу – Исломий давлат умуман йўқ бўлгандаги ҳолат. Агар Исломни мукаммал татбиқ қилаётган Исломий давлат мавжуд бўлса, ғайриисломий жамиятда – у ҳам Исломий давлатнинг иқлимларидан бири бўлиши учун – даъват олиб борилади. Бундан мақсад у ҳам Исломий давлат тарафидан Ислом билан бошқарилиши ва унинг исломий даъватни олиб чиқадиган қисмларидан бири бўлиши учундир. Шунда у ҳам исломий жамиятга айланади ва уни «дорул-Ислом» дейиш тўғри бўлади. Чунки мусулмон дорул-куфрда яшаши жоиз эмас, балки у яшаб турган дорул-Ислом дорул-куфр бўлиб қолса, уни яна дорул-Ислом қилишга ҳаракат қилиши ёки дорул-Исломга ҳижрат қилиши лозим.

 

42-бет

Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49