|
Жамиятни катта қозондаги сувга ўхшатиш мумкин. Агар унинг остига ёки атрофига совутадиган нарса қўйсангиз, сув совиб музга айланади. Шунингдек, жамиятга бузуқ мабдалар киритилса, у бузуқликда қотиб қолади ҳамда тубанлик ва инқирозда давом этади. Агар жамиятга қарама-қарши мабдалар киритилса, унда зиддият-лар пайдо бўлиб, жамият ўз зиддиятлари ва беқарорлигида адашиб юраверади. Агар қозоннинг остига кучли ёнаётган ўтни қўйсангиз, сув исийди, сўнгра қайнаб, ҳаракатлантирувчи буғга айланади. Шунингдек, агар жамиятга тўғри мабда киритилса, у жамиятдаги алангага айланиб, унинг ҳарорати жамиятни қайнатиб, кейин ҳаракатлантириб юборади. Натижада жамият мабдани татбиқ қилиб, даъватни бошқа жамиятларга олиб чиқади. Қозондаги сувнинг ўзгариши дастлаб кўринмаганидек, жамиятнинг бир ҳолатдан унга зид бўлган ҳолатга ўзгариши, бошқача қилиб айтсак, унинг бир ҳолатдан бошқа ҳолатга ўтиши кўринмаса-да, лекин жамиятни билувчилар ва кўтариб чиқаётган мабдалари ёндирувчи ўт ва ёритувчи нур эканига ишонувчилар жамият ўзгариш ҳолатида эканини ва тез орада қайнаш даражасига етиб, сўнг албатта ҳаракат даражасига етишини жуда яхши биладилар. Шунинг учун улар эътиборларини жамиятларга қаратадилар.
Шунинг учун таянч нуқтаси бўлишга яроқли жойни биз билмаймиз, чунки у фақат даъватнинг қувватига эмас, жамиятнинг тайёрлигига ҳам боғлиқ. Маккада исломий даъват жуда кучли бўлган. Шунга қарамасдан, яъни Макка даъватнинг бошланиш нуқтаси ва ҳаракат нуқтаси бўлишга яроқли бўлиб, даъват у ердан тарқалган бўлса-да, у таянч нуқтаси бўлиш учун яроқли бўлмади. Балки таянч нуқтаси Мадинада бўлди. Шунинг учун Росулуллоҳ с.а.в. Мадина жамиятидан қаноат ҳосил қилганларидан кейин у ерга ҳижрат қилдилар ва у ерда Давлатни барпо қилдилар. Бу Давлат даъватнинг кучи билан Арабистон ярим оролининг қолган жойларига, сўнг дунёнинг турли томонларига кенгайди.
Шундан айта оламизки, даъватни ёювчилар қанчалар заковатли ва воқеларни таҳлил қила оладиган бўлмасинлар, улар ҳаракат нуқтаси ҳамда таянч нуқтаси бўлиш учун яроқли жойни била олмайдилар. Буни ёлғиз Аллоҳ билади. Шунинг учун даъватни ёювчилар битта нарсага, яъни Аллоҳ Таолога бўлган имонга суянишлари ва уларнинг барча амаллари фақат шу имонга асосланган бўлиши лозим. Фақат Аллоҳнинг Ўзига бўлган имон билангина даъват ютуққа эришади.
Аллоҳга бўлган имон Унга тўғри таваккул қилишни ва фақат Ундангина ёрдам сўрашни тақозо этади. Чунки ёлғиз Аллоҳ Таологина сирни ва махфий нарсаларни билади ҳамда даъватни ёювчиларни муваффақиятга эриштиради ва ҳидоят йўлига бошлайди. Шунинг учун имон кучли, Аллоҳга таваккул қилиш мукаммал ва Ундан ёрдам сўраш давомли бўлиши зарур. Имон мўминдан мабдага имон келтиришни, яъни Исломга имон келтиришни талаб қилади. Чунки Ислом Аллоҳ Таоло тарафидан юборилгандир. Шунингдек, бу имон бирорта шубҳа аралашмаган мустаҳкам, собит имон бўлиши керак. Унга шубҳа кириб қолишининг эҳтимоли ҳам бўлмаслиги керак. Чунки мабда ҳақидаги ҳар қандай шубҳа муваффақиятсизликка, балки кўпинча куфр ва осийликка олиб боради.
Бундан Аллоҳнинг Ўзи асрасин.
39-бет
Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49