Албатта ҳукм Аллоҳникидур Сиёсий сақофий таҳлилий
сайт

 

 

Балки улар соф исломий бўлиб, фақат Ислом асослари ва нусусларига таянади. Ҳизб бу раъй, фикр ва аҳкомларда фикрга таянади ва Исломга даъват қилиш фикрга асосланиши ва фикрий етакчилик сифатида олиб борилиши лозим, деб ҳисоблайди. Чунки ёрқин фикр ҳаёт асосланадиган фикрдир. Инсон ҳам унинг асосида уйғонади. Ёрқин фикр нарсаларнинг ҳақиқатини кўрсатиб беради, натижада улар тўғри идрок қилинади. Фикр ёрқин бўлиши учун албатта чуқур бўлиши зарур. Чуқур фикр нарсаларга чуқур назар ташлаш, демакдир. Ёрқин фикр эса нарсаларга, уларнинг ҳолатларига ва уларга алоқадор нарсаларга чуқур назар ташлаш ва тўғри натижаларга етиш учун бу назар ташлашни далил қилиб келтиришдир. Бошқача қилиб айтганда, ёрқин фикр нарсаларга чуқур ва ёрқин назар ташлашдир. Шунинг учун коинот, инсон ва ҳаётга чуқур ва ёрқин назар ташлаш зарур, инсонга ва унинг амалларига чуқур ва ёрқин назар ташлаш зарур. Шунда бу амалларга тегишли аҳкомларни идрок қилиш мумкин бўлади.
Коинот, инсон ва ҳаётга чуқур назар ташлаш улар ҳақида куллий тушунча беради ва инсондаги энг катта тугунни ечади. Мана шу чуқур назар ташлаш инсонда ақидани вужудга келтиради, унга яшашдан кўзланган ғояни ва у ҳаётда қиладиган амаллардан кўзланган ғояни белгилаб беради. Чунки инсон коинотда яшар экан, модомики унга ўзи ҳақидаги, ўзида мавжуд бўлган ҳаёт ҳақидаги, ҳаёти ва вужудининг макони бўлган коинот ҳақидаги энг катта тугун ечиб берилмас экан, у ўзи юриши лозим бўлган ҳаёт йўлини асло била олмайди. Шунинг учун ҳам ҳар бир нарсанинг асоси ақидадир.
Коинот, инсон ва ҳаётга чуқур ва ёрқин назар ташлаш Исломий ақидага олиб боради. Натижада улар Яратувчининг махлуқи эканлиги, уларни тартибга солиб турувчи ва махсус низомга мувофиқ юргизиб, муҳофаза қилиб турувчи зот мана шу Яратувчининг ёлғиз ўзи эканлиги яққол намоён бўлади. Шунингдек, бу дунё ҳаёти азалий ҳам, абадий ҳам эмаслиги, ундан аввал бир Вужуд бўлиб, шу Вужуд унинг яратувчиси ва бошқарувчиси эканлиги, бу дунё ҳаётидан кейин бошқа бир ҳаёт бўлиб, у қиёмат куни эканлиги аён бўлади. Ҳамда инсоннинг бу дунё ҳаётида қиладиган амаллари Аллоҳнинг амру наҳийларига мувофиқ юритилиши лозим эканлиги, инсон қиёмат кунида, яъни ҳисоб-китоб қилинадиган кунда ўша амалларига ҳисоб бериши аён бўлади. Шунинг учун инсон Аллоҳнинг элчиси саййидимиз Муҳаммад с.а.в. олиб келган Аллоҳнинг Шариатига қатъий риоя қилиши лозим.

Коинот, ҳаёт ва инсонга чуқур ва ёрқин назар ташлаш улар руҳ ҳам эмас, модда ва руҳдан таркиб топган ҳам эмас, балки фақат моддадан иборат эканлигини кўрсатади. Бу ерда моддадан мурод сезиладиган ва идрок қилинадиган нарсадир. Бу ўринда модданинг «маконни эгаллаган ва оғирликка эга бўлган нарса», деб ёки «зоҳир ёки махфий ҳолатдаги тўйинган қувват», деб таърифланишининг эътибори йўқ. Чунки баҳс модданинг моҳияти ҳақида эмас, балки коинот, ҳаёт ва инсон, яъни сезиб, идрок қилинадиган ушбу нарсаларнинг яратувчига махлуқ эканлиги хусусидадир.

 

9-бет

Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49