Албатта ҳукм Аллоҳникидур Сиёсий сақофий таҳлилий
сайт

 

 

Чунки Муҳаммад с.а.в. пайғамбар қилиб юборилганларидан кейин барча одамлардан ўз динларини тарк қилиб, Исломни қабул қилиш талаб қилинган. Чунки Ислом динидан бошқа диннинг ҳеч қандай эътибори қолмаган.
Аллоҳ Таоло айтади:
إِنَّ الدِّينَ عِنْدَ اللَّهِ الْإِسْلَامُ
– „Аллоҳнинг даргоҳида мақбул дин Исломдир“                                           .[3:19]
Яна Аллоҳ Таоло айтади:
وَمَنْ يَبْتَغِ غَيْرَ الْإِسْلَامِ دِينًا فَلَنْ يُقْبَلَ مِنْهُ
– „Кимки Исломдан ўзга дин истаса, ундан бу дини қабул қилинмайди“.        
                                                                                                                                               [3:85]
Бу оятларнинг мазмуни очиқ-равшандир. Улардан «Биздан олдинги умматларнинг шариати биз учун шариат эмас», қоидаси истинбот қилинган. Бунинг далили – саҳобалар Муҳаммад с.а.в. олиб келган шариат ўтган барча шариатларни бекор қилувчи эканига ижмо қилганларидир.
Чунки Аллоҳ Таоло айтади:
وَأَنزَلْنَا إِلَيْكَ الْكِتَابَ بِالْحَقِّ مُصَدِّقًا لِمَا بَيْنَ يَدَيْهِ مِنْ الْكِتَابِ وَمُهَيْمِنًا عَلَي
– „Сизга ўзидан олдинги китобларни тасдиқлагувчи ва улар устидан ҳукмрон бўлган бу Китобни ҳақ билан нозил қилдик“.                                                                                                                                               [5:48]

Ўтган китоблар устидан Қуръоннинг ҳукмронлиги ўтган шариатларни бекор қилишидир, чунончи Аллоҳ: «Уларни тасдиқлагувчи ва уларни бекор қилувчи қилиб нозил қилдик», демоқда. Пайғамбар с.а.в.дан ривоят қилинади: «Росулуллоҳ с.а.в. Умар ибн Хаттоб Тавротнинг бир бўлагига қараб турганини кўриб ғазабландилар ва: «Бунинг ўрнига оппоқ, соф Китобни келтирмадимми?! Агар биродарим Мусо тирик бўлганида, фақат менга эргашган бўлар эди», – дедилар». Бундан ташқари, Каъбани тавоф қилиш, Ҳажарул-Асвадни силаш ва ўпиш, Сафо ва Марва оралиғида саъй қилиш каби ҳаж маросимларидан кўпи жоҳилият даврида ҳам бўлган. Биз уларга амал қилиб, улар бўйича ибодат қилаётганимизда уларни олдинги шариатнинг маросимлари сифатида эмас, балки Исломий шариат аҳкомлари сифатида бажарамиз. Чунки Ислом бу маросимларни ўтган шариатларни тан олиб эмас, балки янги шаръий аҳкомлар сифатида олиб келди. Шунингдек, ўтган ҳамма динларда келган барча аҳкомларни бутунлай тарк этиб, фақат Ислом шариати олиб келган аҳкомларни адо қиламиз. Шунинг учун насроний ва яҳудийлар Ислом шариатига чақирилиб, ўз шариатларини тарк қилишга буюрилганлар. Чунки Ислом уларнинг шариатини бекор қилган. Модомики Ислом шариатига эргашиш ва ўз динини тарк қилиш ўз шариатига тобе бўлган яҳудий ва насронийларга вожиб экан, қандай қилиб мусулмондан ўтганларнинг шариатини ўзига шариат қилиб олиш талаб қилинади?

28-бет

Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49