Албатта ҳукм Аллоҳникидур Сиёсий сақофий таҳлилий
сайт

 

 

Бу каби ишлар билан шуғулланиш мутлақо жоиз эмас. Росулуллоҳ с.а.в. Маккада Исломга даъват қилаётганларида Макка фисқу фужурга тўла эди. Шундай бўлса-да, уларни йўқотиш учун ҳеч нарса қилмадилар. Зулму ситам, фақирлик ва муҳтожлик очиқ кўриниб турган бўлса-да, бу нарсаларни енгиллатиш учун бирор иш қилганлари ривоят қилинган эмас. Каъбада бўлганларида бутлар бошлари устида бўй чўзиб турарди. Бутларнинг бирортасига қўл тегизганлари ривоят қилинган эмас. Ул зот с.а.в. мушрикларнинг худоларини айблаб, ақлларининг аҳмоқона эканини кўрсатар, амалларининг сохталигини фош қилар эдилар, яъни сўзга ва фикрий жиҳатга чекланар эдилар. Лекин қўлларида Давлат барпо бўлиб, Маккани фатҳ қилгач, у бутлардан, ўша фисқу фужур, зулму ситамлар, фақирлик ва муҳтожликлардан бирортасини қолдирмадилар.
Шунинг учун уюшма даъватни олиб бораётганида уюшма сифатида бошқа ишлардан бирортасини қилиши мумкин эмас. Уюшма фикр ва даъватнинг ўзига чекланиши лозим, бироқ унинг аъзолари ўзлари қизиққан хайрия ишларини қилишдан қайтарилмайдилар. Уюшма эса бундай ишни қилмайди. Чунки унинг иши даъватни олиб бориш учун Давлатни тиклашдан иборат.
Росулуллоҳ с.а.в.нинг Маккадаги ҳаётларини намуна қилиб олиш вожиблигига қарамасдан, Макка аҳли ва уларни Исломга даъват қилиш билан ҳозирги мусулмонлар ва уларни исломий ҳаётни қайта бошлашга даъват қилиш ўртасидаги фарқ ҳисобга олиниши керак. Яъни, Росулуллоҳ с.а.в. кофирларни имонга даъват қилган эдилар. Аммо ҳозирги даъват мусулмонларни Исломни тушунишга ва унга амал қилишга даъват қилишдир. Шунинг учун ҳозирги даъват енгил ва осондир.

Шу сабабли, уюшма бирга яшаётган умматдан ўзини бошқа деб ҳисобламаслиги, балки ўзини шу умматнинг бир қисми деб ҳисоблаши лозим. Чунки одамлар ҳам улар каби мусулмондирлар. Уюшма аъзолари Исломни тушуниб, унга амал қилаётган бўлсалар-да, мусулмонларнинг бирортасидан афзал эмаслар. Лекин улар мусулмонларнинг ичида оғир юкни зиммаларига олган ҳамда Аллоҳнинг олдида мусулмонларга хизмат қилиш ва Ислом учун ҳаракат қилиш масъулиятини кўтаришдаги жавобгарлиги катта бўлган кишилардир. Исломий уюшма аъзолари билишлари керакки, улар уммат ичида иш олиб бориб, ундан ажралиб қолсалар, ўзларининг сонлари қанчалар кўп бўлмасин, умматсиз ҳеч қандай қийматга эга эмаслар. Шунинг учун уларнинг муҳим вазифалари уммат билан бирлашиш, курашда у билан бир сафда туриш ва ишни олиб борувчи умматнинг ўзи эканини унга ҳис қилдиришдан иборат. Уюшма умматдан ажралиб қолгани ҳақида шубҳа уйғотадиган катта ёки кичик ҳар қандай иш, сўз ёки ишорадан узоқ бўлиши лозим. Чунки бу ҳолат умматни уюшмадан ва унинг даъватидан узоқлаштиради ва уюшмани жамиятни уйғонишдан тўсадиган чигалликлардан бирига айлантиради. Уммат бўлинмас бир бутун бўлиб, уюшма Давлатни барпо қилиш учун иш олиб боради.

 

44-бет

Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49