|
Сўнгра Ҳизбнинг иккинчи босқичи келади. Бу босқич умматни уйғотиш, сўнгра у билан бирга Ислом рисолатини ўзга халқ ва умматларга олиб бориш мақсадида тубдан ўзгартириш орқали ислоҳ қилиш ишини ўз қўлига олиш томон умматни етаклаш босқичидир, токи уммат бутун инсоният олдидаги бурчини адо этсин!
Бу ҳизбий уюшма жамоий ҳаракатдир. Бундан ўзгача бўлиши мумкин ҳам эмас, чунки тўғри уюшма якка тартибдаги ҳаракат бўлмайди. Шунинг учун исломий юртлардаги Ҳизбнинг тепасида турадиган шахслар жамоий ҳаракатларни диққат билан ўрганишлари ва уларни теран тушунишлари лозим.
Ўз вақтида таъсир кучига эга бўлган жамоий ҳаракатларни тушуниб ўрганиш бизга шуларни кўрсатадики, мўл-кўлчилик ва фаровонлик мавжуд бўлган, инсоннинг табиий ҳуқуқлари поймол бўлмаётган ҳамда муҳим ишларни эгаллашда шахснинг лаёқати ўлчов бўлган вазиятда бундай жамоий ҳаракатлар юзага келмайди. Жамоий ҳаракатларни бундай тушуниб ўрганиш ҳар қандай жамоий ҳаракат яшаган ёки яшаётган муҳитни, юзланган ёки юзланаётган вазиятларни ҳамда бу ҳаракатдаги кўзга кўринган шахсларнинг ҳаракат муваффақияти ёки юриши олдидаги тўсиқларни йўқ қилиб, ҳаракат ишини юргизиш ва унинг вазифасини енгиллатишда қанчалик фаолият кўрсатаётганини ўрганиш орқали ҳаракатларга тўғри баҳо бериш имконини беради.
Жамоий ҳаракатларнинг муваффақияти мавжуд ҳокимият ёки тузум томонидан ҳар вақт ҳаракат мабдасига зид бўлган ёки ҳокимиятнинг хоҳиш ва манфаатларига мувофиқ равишда ҳаракат мабдасига қарши ишлар содир бўлганда, одамларда норозилик руҳини уйғотиш ва шу норозиликни ошкор этишга ундашга қодирлиги билан баҳоланади.
Бу жамоий ҳаракатларни тушунишимиз биздан жамиятдаги ҳаётни ўрганишни, умматнинг ҳокимлар билан, ҳокимларнинг уммат билан бўладиган алоқаларини; бу алоқаларнинг асосларини ва Ислом назаридаги уларнинг тўлиқ моҳиятини; Ислом чақирган раъйлар, фикрлар ва аҳкомларни, уларга нисбатан жамият тутган ўринни, бу раъйлар, фикрлар ва аҳкомлар учраган ўзгартириш, алмаштириш ва ижтиҳодни, бу ижтиҳоднинг фуруъ ва усулдаги ҳақиқатини ва Ислом уни тан олиш ёки тан олмаслигини билишни тақозо этади. Шунингдек, бу ҳаракатларни тушуниш биздан Уммат яшаётган - ҳаёт тузуми ва бошқарув низоми қилич, макр ва мол билан ушлаб турган бу дунёда исломий раъйлар, фикрлар ва аҳкомларнинг йўқолиб бораётганини кўриб турган Умматнинг руҳий ҳолатини ўрганишни тақозо этади.
Бу ҳаракатларни тушуниш биздан Умматнинг ўзига татбиқ этилаётган, унинг Исломига йўқолиб кетиш хавфини туғдираётган ва унинг ўзини бахтсизлик ва ҳалокат жарлигига қулатаётган мана бу тузумларга бўлган мойиллигини ва қарашини умумий равишда билишни; сўнгра Уммат ичидаги мутафаккирларнинг ўзларига татбиқ этилаётган бузуқ тузумга мойилликларини ва уни қабул қилишлари даражасини, уларда нафрат уйғотган ёки уйғотмаганлигини билишни ва уларнинг алдов ва таҳдидлардан қанчалар таъсирланишларини, бу алдовга қанчалар учишлари ва таҳдидга қанчалар бўйсунишларини билишимизни тақозо этади.
16-бет
Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30