Албатта ҳукм Аллоҳникидур Сиёсий сақофий таҳлилий сайт

Исломнинг мулкчилик ҳақидаги аҳкомлари бу эркинликка зиддир. Ислом халқларни мустамлака қилиш, уларнинг бойликларини талон-тарож қилиш ва ўзлаштириб олиш фикратига қарши курашади. Шунингдек. рибо-судхўрликнинг барча турларини кўп фоизлигини ҳам, оз фоизлигини ҳам ман қилади. Ислом мулкка эга бўлиш ва уни ўстириш сабабларини, уни тасарруф қилиш йўлларини аниқ белгилаб берди ва булардан бошқаларини ҳаром қилди. Мусулмонга мулкка эга бўлиш, уни ўстириш ва тасарруф қилишда ушбу сабаб ва йўлларга чекланишни вожиб қилди. Яъни, уни бу соҳада хоҳлагандай тасарруф қиладиган, эркин ташлаб қўймади. Балки уни шаръий аҳкомлар билан чеклаб қўйди. Унга қароқчилик, талончилик, ўғирлик ва порахўрлик билан, судхўрлик, қиморбозлик, фоҳишабозлик, баччавозлик билан бойлик орттириш ва ўстиришни ҳаром қилди. Шунингдек, савдо молини айбини яшириш, фирибгарлик, алдамчилик, баҳосини ўта арзонлатиб ёки қимматлатиб юбориш билан, маст қилувчи ичимликлар саноати ва савдоси билан, аёлнинг аёллигидан фойдаланиш ва бошқа ман қилинган сабаблар билан мулкка эга бўлиш ва уни ўстиришни ҳаром қилди.
Буларнинг барчаси мулкка эга бўлиш ва уни ўстиришнинг ман қилинган сабабларидир. Булар воситасида эгалланган ҳар қандай мол мусулмон учун ҳаром бўлади ва бу билан шуғулланган киши жазоланади.

65-бет