Албатта ҳукм Аллоҳникидур Сиёсий сақофий таҳлилий
сайт

 

 

Демак, бу ишларда кўпчилик эмас, тўғрилик эътиборлидир. Тўғрилик эса, ўз ўрнидан, яъни кўпчиликдан эмас, шу соҳа мутахассисларидан олинади.
Парламент аъзолари эса, мусулмонларнинг юртларидагиси ҳам, ғарбдагиси ҳам бу ишлар бўйича мутахассис, билим ва маълумотга эга эмаслар. Шунинг учун бу ишларда парламент аъзоларининг кўпчилиги берган фикрнинг фойдаси ҳам, қиймати ҳам йўқ. Уларнинг розилиги ёки қаршилиги билим, идрок ва маърифат асосида эмас, балки шаклий, юзаки бўлади. Шунинг учун, бундай ишларда кўпчиликнинг фикри мажбурий деб эътибор қилинмайди. Бунга далил: Расулуллоҳ (Соллаллоҳу алайҳи ва олиҳи ва саллам) Бадр жангида Ҳаббоб ибн Мунзирнинг фикрига рози бўлганларидир. Ҳаббоб жой (стратегик ўрин)ларни яхши билар эди. У Расулуллоҳ (Соллаллоҳу алайҳи ва олиҳи ва саллам)га, агар ваҳй орқали бўлмаган бўлса, тушган жойларини ўзгартиришни, бу жой уруш учун қулай эмаслигини маслаҳат берди. Шунда Расулуллоҳ (Соллаллоҳу алайҳи ва олиҳи ва саллам) унинг фикрига рози бўлдилар ва у белгилаб берган жойга тушдилар. Бу борада саҳобалардан маслаҳат сўрамадилар.

Аммо, чуқур фикрга, илм ва изланишга муҳтож бўлмасдан амалга ошириш мумкин бўлган ишларда эса, кўпчиликнинг раъйи-фикри олинади. Чунки, бундай ишларни кўпчилик идрок қила олади ва кўрилаётган манфаатга қараб, бу ҳақда ўз фикрларини осонлик билан билдиришлари мумкин. Бунинг мисоллари: Фалончини сайлаймизми ёки йўқми? Йўлга эрталаб чиқамизми ёки кечқурунми? Самолётга минамизми, пароходгами ёки поездга? ва ҳоказо.

 

59-бет

Бетлар: 1 2 3-4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68