| Албатта ҳукм Аллоҳникидур |
 |
Сиёсий сақофий таҳлилий
сайт |
|
Бу қонунларни тегишли, махсус комитетлар ўрганиб чиқиб, у ҳақдаги ўз фикрини беради. Сўнг парламент аъзолари уни тасдиқлашади, ҳолбуки, уларнинг кўпчилиги бу қонунларнинг воқелигидан мутлақо хабардор бўлмайди. Чунки, қонунчилик уларнинг ихтисоси эмас.
Шунинг учун, «демократик юртларда парламентлар чиқараётган қонунлар умумхалқ иродасини ифодалайди. У халқ сиёдатини гавдалантиради»,- деган сўз ҳақиқат ва воқеликка зиддир.
Демократия низомида ҳокимият ва ҳукумат ишларига тааллуқли очиқ-ойдин нуқсонлар бор. Шулардан бири шуки, агар демократик юртларда парламентда мутлақ устунликка эришиб, ҳукуматни ҳам ўзи туза олиш имкониятига эга бўлган йирик партиялар бўлмаса, бундай юртларда ҳокимият беқарор бўлади. Ҳукуматлар эса, доимий суратда кетма-кет рўй бераётган сиёсий тангликлар босими остига тушиб қолади. Чунки бу юртларда ҳукумат парламентдаги кўпчилик ишончини қозониши қийин бўлиб, бу уни истеъфо беришга мажбур қилади. Баъзида президент янги ҳукумат тузгунича ойлар ўтиб кетади. Натижада бу юртдаги ҳокимият фалаж, деярли фаолиятсиз бўлиб қолади. Баъзан эса, президент мезонларни ўзгартириб янги ҳукумат тузиш мақсадида, парламентни тарқатиб юбориш ва янги сайловлар ўтказишга мажбур бўлади ва ҳоказо... Шундай қилиб бу юртда ҳокимият беқарор, сиёсати эса тебранувчан ва беҳуда бўлиб қолади. Италия, Греция ва шулар каби баъзи демократик юртлар бунга мисолдир. Бу юртларда бир қанча партиялар мавжуд бўлиб, уларнинг ичида бирорта ҳам халқнинг мутлақ кўпчилигини ўз тарафига оғдира олган йирик партия йўқ.
17-бет
Бетлар: 1 2 3-4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68
|