Албатта ҳукм Аллоҳникидур Сиёсий сақофий таҳлилий сайт

بسـم الله الرحمن الرحي

• Кофир ғарб мусулмонларнинг юртларига олиб кирган демократия Исломга ҳеч қандай алоқаси бўлмаган куфр низомидир. Бу низом ўзининг умумий тушунчалари, майда тафсилотлари, ҳосил бўлиш манбаи, келиб чиқиш ақидаси, қурилган асоси, олиб келган фикр ва қонунларида Ислом аҳкомларига тамоман зиддир.

Шунинг учун, уни қабул қилиш ҳам, (ҳаётга) татбиқ этиш ҳам, унга даъват қилиш ҳам мусулмонларга қатъий ҳаромдир.

• Демократия - ҳокимларнинг зулми ва уларнинг дин номидан ҳукмронлик қилишидан қутулиш учун инсонлар тузган ҳокимият низомидир. Шундай экан, бу низомнинг манбаи инсонлар бўлиб, унинг самовий ваҳйга ёки динга алоқаси йўқдир.

Демократиянинг пайдо бўлиш сабаби: Европада ҳокимлар: «Ҳоким - Оллоҳнинг ердаги вакили, у инсонларга Оллоҳнинг салтанати билан ҳокимлик қилади. Оллоҳ унга қонун чиқариш ва уни ижро қилиш ҳуқуқини, яъни инсонлар устидан ўзи чиқараётган қонунлар билан ҳукм юритиш ҳуқуқини берган, чунки у ўз ҳокимиятини инсонлардан эмас, Оллоҳдан олади»,- деб даъво қилар эдилар. Улар шу даъвога асосланиб инсонларга зулм қилишар ва хожа ўз қулига хўжайинлик қилганидек хўжайинлик қилар эдилар.

5-бет