Албатта ҳукм Аллоҳникидур Сиёсий сақофий таҳлилий сайт

Нарсаларнинг мубоҳлиги ҳақида келган барча оятлар умумий келган бўлиб, уларнинг умумий келиши барча нарсаларнинг мубоҳлигига далолат қилади. Демак, нарсаларнинг мубоҳлиги Шореъ (қонун чиқарувчи зот)нинг умумий хитоби билан келгандир. Агар бирон нарса ҳаром қилинса, бу нарсанинг мубоҳликдан истисно қилинганига далолат қиладиган, умумийликни хословчи нусус зарур. Оллоҳ таолонинг ушбу сўзи каби:
حُرِّمَتْ عَلَيْكُمُ الْمَيْتَةُ وَالدَّمُ وَلَحْمُ الْخِنزِيرِ وَمَا أُهِلَّ لِغَيْرِ اللَّهِ بِهِ وَالْمُنْخَنِقَةُ وَالْمَوْقُوذَةُ وَالْمُتَرَدِّيَةُ وَالنَّطِيحَةُ وَمَا أَكَلَ السَّبُعُ إِلاَّ مَا ذَكَّيْتُمْ وَمَا ذُبِحَ عَلَى النُّصُبِ
– „Сизларга ўлакса, қон, тўнғиз гўшти, Оллоҳдан бошқа бировнинг йўлида сўйилган нарса, бўғилиб ўлган, уриб ўлдирилган, баланд жойдан қулаб ўлган, (бошқа бирон ҳайвон билан) сузишиб ўлган ва йиртқич ҳайвон тишлаб ўлдирган жониворлар ҳаром қилинди. Магар (бу жониворларни жони чиқмасдан туриб) сўйиб юборишга улгуриб қолган бўлсангиз, ҳалолдир. Яна бутларга атаб сўйилган ҳайвонлар (гўштини истеъмол қилиш) ҳаром қилинди".        [5:3]
Демак, «нарсалар ҳақидаги асл-қоида уларнинг мубоҳлигидир».

33-бет