| Албатта ҳукм Аллоҳникидур |
 |
Сиёсий сақофий таҳлилий
сайт |
|
Шунингдек, ушбу услублар таъсирида мусулмонлар Усмонийлар давлатининг охирги кунларида баъзи ғарб қонунларини, халифалик давлати тугатилгандан кейин эса, ғарб қонунларининг аксарият қисмини қабул қилиб олдилар.
Бу услублар зиёлилар табақасига, сиёсатчиларга, ҳатто исломий сақофат эгалари ва исломий даъватни ёювчиларнинг баъзиларига ҳамда мусулмонлар оммасига таъсир қилди.
Аммо зиёлилар табақасига келсак, уларнинг ғарбда таълим олганлари ҳам, мусулмонларнинг юртларида таълим олганлари ҳам, таълимларининг асоси бўлган ғарб сақофатидан таъсирландилар. Чунки биринчи жаҳон урушидан кейин мусулмонларнинг юртларидаги таълим программалари ғарб фалсафаси ва ҳаёт ҳақидаги нуқтаи назари асосида тузилган эди. Ҳатто, кўпчилик зиёлилар ғарб сақофатига берилиб, унинг ошиғига айландилар. Улар ушбу сақофатни олиб келган ғарбни улуғлаб, Ислом сақофати ва аҳкомларини, агар ғарб сақофати ва қонунларига зид келса, инкор қиладиган, қоралайдиган бўлиб қолдилар. Улар Исломни, кофир европалик қандай ёмон кўрса, шундай ёмон кўрадиган, Исломга, унинг сақофати, низоми ва аҳкомларига кофир европалик душман бўлганидек душман бўлиб қолишди. Улар ғарбга, унинг дунёқараши, фикрлари, низом ва қонунларига тарғиб қиладиган ва Исломга, унинг дунёқараши, низом ва аҳкомларига қарши ташвиқот қиладиган, Исломнинг ҳурматини тўкадиган ғарбнинг жарчи карнайларига айланиб қолишди.
27-бет
Бетлар: 1 2 3-4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68
|