Албатта ҳукм Аллоҳникидур Сиёсий сақофий таҳлилий сайт

Натижада мусулмонлар ўзлари ўйлаб топган «замон ўзгариши билан аҳкомларнинг ўзгариши инкор қилинмайди»,- деган хато қоидани ҳужжат қилиб, шариатда умуман асоси бўлмаган ёки заиф асоси бўлган аҳкомларни қабул қилдилар. Ислом ҳар бир мазҳаб (оқим), ҳар бир фикр, ҳар бир мабдаъга - гарчи, у Ислом аҳкомлари ва нуқтаи назарига зид бўлса ҳам - мувофиқ келиши учун кўпчиликнинг тилида таъвил қилина бошлади. Улар: «Ғарб дунёқараши ва фикрлари Ислом дунёқараши ва аҳкомларига зид эмас. Чунки, у Ислом дунёқарашидан олинган»,- дедилар. Яна улар: «Ҳокимиятга тааллуқли демократик низом, иқтисод соҳасидаги капиталистик низом ҳам Ислом аҳкомларига зид эмас»,- дедилар. Ҳолбуки, бу иккаласининг, воқелигини олиб қаралганда куфр низомидир. Улар яна: «Демократия ва умумий эркинликлар Исломдандир»,- дедилар. Ваҳоланки, булар Исломга тамоман зид ва қарама-қаршидир.
Шу сабабли, мусулмонларга бошқалардан ҳам олишлари мумкин бўлган нарсалар билан фақат Исломнинг ўзидангина олиб, бошқалардан олишлари мумкин бўлмаган нарсалар ноаниқ, чалкаш бўлиб қолди. Биринчи қисмга тиббиёт, фармацевтика, ҳандаса, кимиё, деҳқончилик ва саноат илмлари, йўл ҳаракати ва алоқа воситаларига доир қонун-қоидалар ва шулар каби мубоҳ нарсалар киради. Бу нарсалар, модомики, Исломга зид бўлмаса мусулмонлар уларни олишлари мумкин.

29-бет