Албатта ҳукм Аллоҳникидур Сиёсий сақофий таҳлилий
сайт

 

 

Бир қанча файласуф ва мутафаккирлар оёққа туриб, ҳукм (бошқарув) мавзусини чуқур ўргандилар ва инсонларни бошқариш учун янги низом ўйлаб чиқдилар. Бу низом демократия низоми эди. Бу низомга кўра, халқ ҳокимият манбаидир. Ҳоким ўз ҳокимиятини халқдан олади. Сиёдат-хўжайинлик ҳам халқникидир. Халқ ўз иродасига ўзи эга, у билан ўзи шуғулланади ва уни ўз хоҳишига кўра бошқаради. Бирор киши унга ҳукмронлик қилолмайди, унинг ўзи хўжайин. Қонунларни халқнинг ўзи чиқаради. Халқ шу қонунлар билан бошқаради ва шуларга мувофиқ ҳаёт кечиради. Ҳокимларни ҳам халқ сайлайди, токи улар халқни халқнинг ноиби сифатида, халқ чиқариб берган қонунлар билан бошқарсин.
Шулардан хулоса қилиш мумкинки, демократия низомининг манбаи фақат инсонлар бўлиб, унинг ваҳйга ёки динга алоқаси йўқдир.

Демократия ғарб сўзи ва атамаси бўлиб, «халқ ўзи чиқарган қонун билан ўзини бошқариши»,- демакдир. Яъни халқ мутлақ хўжайин - Сиёдат (хўжайинлик) соҳиби ҳам унинг ўзи, ҳокимият тизгини ҳам унинг қўлидадир. У ўз иродаси билан ўзи шуғулланиб, уни ўзи бошқаради. Халқ ўз ҳокимиятидан ўзга ҳокимият олдида жавобгар эмас. Сиёдат соҳиби деган эътибор билан, ўзи сайлаган депутатлар воситасида низом ва қонунларни чиқаради ва буларнн ўзи тайинлаган ҳоким ва қозилар воситасида ижро қилади. Ҳоким ва қозилар - халқ ҳокимият манбаи, деган эътибор билан - ўз ҳокимиятларини ундан оладилар. Ҳар бир шахс давлат қуриш, ҳокимларни сайлаш, низом ва қонунлар чиқаришда бир хил ҳуқуққа эгадир.

 

6-бет

Бетлар: 1 2 3-4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68