|
исботини Аллоҳ ҳузурида келтиролмай қолсаларчи?– деб қўрқмоқдаман. Зое қилган ишларимиз қанча-қанча. Яна кўзлари ёшга тўлди, сўнг: мени ўтирғизиб қўйингиз,– дедилар. Эй Аллоҳ, мен буюрганингда дангасалик, қайтарганингда осийлик қилган ўша бандангман,– деб уч марта такрорладилар. Сўнгра «Ло илоҳа иллаллоҳ» дея бошларини юқорига қаратдилар ва тикилиб назар ташладилар нима қиляпсиз,– деганларида, Умар ибн Абдулъазиз: мен ҳозир нималарнидир кўрмоқдаман, улар на инсонга ва на жинга ўхшарлар,– дедилар ва жон бердилар. Раҳимаҳуллоҳ.
Ҳорун ар-Рошид ҳақида ҳикоя қиладиларки у зот ўлимларидан бир оз олдин ўз қўллари билан кафанларини танлаб олибдилар ва унга қараб дер эканлар:
مَا أَغْنَى عَنِّي مَالِيه " هَلَكَ عَنِّي سُلْطَانِيه
— «Молу дунёим мени қутқара олмади. Салтанатим ҳам ҳалок бўлиб кетди» [69:28-29].
Абдуллоҳ ибн Муборак вафотларидан бироз олдин кўзларини очиб кулибдилар ва дебдилар:
لِمِثْلِ هَذَا فَلْيَعْمَلِ الْعَامِلُونَ
— «Амал қилувчилар мана шу мангу бахт-саодат учун амал қилсинлар» [37:61].
Ҳузайфага ўлим келгач дебдилар: «Барчага баробар ҳабиб, хуш келибсиз, ҳасрат надомат қилишдан энди фойда йўқ, Аллоҳим, менга бойликдан кўра фақирлик, сиҳҳатликдан кўра бетоблик ва яшашдан кўра ўлим яхшироқ бўлса, ўлимни менга осон қил, токи жамолингга мушарраф бўлай».
Азиз биродарлар! Мазкур ривоятлар у зотларнинг мавқеларини ва қанчалик ўзларини муҳосаба қилишларини кўрасатиб турибди. Улар Аллоҳ таолонинг синовида яшадилар, Аллоҳнинг йўлида юрдилар, Пайғамбарга эргашдилар, ҳар бир катта ва кичик гуноҳдан чўчиб ўзларини назорат ва муҳосаба қилдилар. Агар биронталарига ўлим келгудек бўлса, Аллоҳдан қаттиқ қўрққанлари ва мағфиратидан кучли умидда бўлганлари учун ўзларини ҳаётларида Аллоҳга итоат қилмаган осий деб ўйладилар. Ҳақиқий мўмин мана шундай суратда бўлмоғи керак: ўзини кузатувчи, муҳосаба қилувчи, умр тугашидан олдин уни жиловлаб, тўғри йўлга солувчи бўлиши керак. Умр ўтгандан кейин ҳасрат ва надомат қилишнинг фойдаси ва қиймати йўқ.
25-бет
Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26