|
орасида охиратдан энг кўп қўрқадиган ва энг кўп йиғлайдиган инсон бўлганликларини билмайсанми? Бир куни Абу Бакр Сиддиқ Расулуллоҳга: «сочингизга оқ тушибди, эй Расулуллоҳ»– дедилар. Шунда Расулуллоҳ: «Ҳуд ва унинг шериклари, Воқеа, Амма йатасоъалун (Набаъ) ва Изашшамсу куввират (таквир) суралари менинг сочимга оқ тушишига сабаб бўлди»– деган эканлар. Ибн Нажжор Ибн Умардан ривоят қилади: «Расулуллоҳ (Саллаллоҳу алайҳи ва олиҳи ва саллам) бир қорининг:
إِنَّ لَدَيْنَا أَنكَالاً وَجَحِيمًا
— «Биз оловли кишанлар ва дўзахни ҳозирлаб қўйдик». [73:12]
деган оятни ўқиётганини эшитиб қолиб ҳушдан кетдилар». Ибни Умардан яна ривоят қилинадики, Расулуллоҳ (Саллаллоҳу алайҳи ва олиҳи ва саллам) тиш-тирноғигача қуролланган мусулмонлар билан Маккани фатҳ қилгани кетаётганларида бошлари устида чирқираб учиб кетаётган бир тўрғайни кўриб, йиғлаб юбордилар. Кейин «Ким буни ўз боласидан айириб, қайғуга солди, унга боласини қайтаринглар»– дедилар.
Аллоҳ таолодан ушбу:
أَفَمِنْ هَذَا الْحَدِيثِ تَعْجَبُونَ " وَتَضْحَكُونَ وَلاَ تَبْكُونَ
— «Ҳали сизлар мана шу сўз Қуръондан ажабланурсизми?! Йиғламасдан, ғофил бўлган ҳолларингизда кулурсизларми?» [53:59,60]
оят нозил бўлганда масжид айвонида ўтирганларнинг кўзларидан дув-дув ёш оқди. Расулуллоҳ (Саллаллоҳу алайҳи ва олиҳи ва саллам) уларнинг йиғисини эшитиб ўзлари ҳам йиғлаб юбордилар. Расулуллоҳ (Саллаллоҳу алайҳи ва олиҳи ва саллам) йиғлаганлари учун барча саҳобалар ҳам йиғлай бошлашди. Шунда Набий (Саллаллоҳу алайҳи ва олиҳи ва саллам) дедилар: «Аллоҳдан қўрқиб йиғлаган одам дўзахга кирмайди, гуноҳ-маъсиятдан қайтмаган одам жаннатга кирмайди. Агар гуноҳ қилмай қўйганингизда, Аллоҳ гуноҳ қиладиган қавмни вужудга келтиради ва уларни мағфират қилади» (Байҳақий ривоят қилган).
Сен Умар ибн Хаттоб (Разияллоҳу анҳу)ни билмайсанми? У ҳақни маҳкам ушлашни, қаттиққўллиги ва бақувватлигига қарамай Қуръондан оят эшитганда тиззалари қалтирар, охират ҳақида хабар берувчи оят ўқилганда эса кўзларидан дув-дув ёш оқарди. Қўлларидаги узукка эса: «Ўлимнинг ўзи етарли ваъз-насиҳатгўйдир, эй Умар» деган сўзлар ёзилган эди.
10-бет
Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26