|
деди: «Хуш келибсизлар, Аллоҳ умрингизни узоқ, тинч ва хотиржам қилсин. Барчамизга жаннат маконларидан насиб этсин. Мен бир гап айтаман, агар дунёда сабр қилсангиз, содиқ ва тақводор бўлсангиз, бу гап сизларнинг бу қулоғингиздан кириб, у қулоғингиздан чиқиб кетмасин. Кимки Муҳаммад (Саллаллоҳу алайҳи ва олиҳи ва саллам)ни кўрган бўлса, у зотни ғишт териб, қамиш билан том ёпаётганларини (яъни дунёга берилганларини) кўрибди. Лекин у Зотнинг байроқ (ғоя)лари кўтарилди. У Зот бу ғояни амалга ошириш учун енг шимардилар. Тинмай ваҳй келди. Тинмай нажотга чақирдилар. Умрини бир текисда ўтказган, оз овқат ва оз кийим билан кифояланган. Бор бойлигига қаноатланиб, ибодатда тиришган, хатоси учун кўз ёши тўккан, жиноятдан йироқ юрган, раҳмат-мағфиратдан умидда бўлиб, умрини шу ҳолатда ўтказган бандани Аллоҳ ўзи раҳматига олсин». (Ибн Ҳиббон «Ас-Сиқот»да, Абу Наъим «Ал-Хиля»да ривоят қилган).
Эй биродарлар, дунё матоси қанчалик оз, фитналари қанчалик арзимас бўлмасин, мўмин улардан ўзини тия олмаса, уларга берилиб охират амалларидан чалғиб қолади.
اعْلَمُوا أَنَّمَا الْحَيَاةُ الدُّنْيَا لَعِبٌ وَلَهْوٌ وَزِينَةٌ وَتَفَاخُرٌ بَيْنَكُمْ وَتَكَاثُرٌ فِي الأَمْوَالِ وَالأَوْلاَدِ كَمَثَلِ غَيْثٍ أَعْجَبَ الْكُفَّارَ نَبَاتُهُ ثُمَّ يَهِيجُ فَتَرَاهُ مُصْفَرًّا ثُمَّ يَكُونُ حُطَامًا وَفِي الآخِرَةِ عَذَابٌ شَدِيدٌ وَمَغْفِرَةٌ مِنَ اللَّهِ وَرِضْوَانٌ وَمَا الْحَيَاةُ الدُّنْيَا إِلاَّ مَتَاعُ الْغُرُورِ " سَابِقُوا إِلَى مَغْفِرَةٍ مِنْ رَبِّكُمْ وَجَنَّةٍ عَرْضُهَا كَعَرْضِ السَّمَاءِ وَالأَرْضِ أُعِدَّتْ لِلَّذِينَ آمَنُوا بِاللَّهِ وَرُسُلِهِ ذَلِكَ فَضْلُ اللَّهِ يُؤْتِيهِ مَنْ يَشَاءُ وَاللَّهُ ذُو الْفَضْلِ الْعَظِيمِ
— «Билингларки, бу ҳаёти-дунё фақат бир нафаслик ўйин-кулги, зеб-зийнат, ўрталарингиздаги ўзаро мақтаниш ва мол-дунё ҳамда фарзандларни кўпайтиришдир холос. У худди бир ёмғирга ўхшарки, унинг ёғиши сабабли униб чиққан ўт-ўлани кофирларни ҳайратга солиб ақлларини банд қилиб қўйди. Сўнгра у қурур, бас, уни сарғайган ҳолда кўрурсиз. Сўнгра у қуруқ чўп бўлиб қолади. (Ҳаёти дунёнинг ҳоли ҳам шундан ўзгача эмас). Охиратда эса ўша тўрт кунлик дунёга алданиб қолганлари учун қаттиқ азоб ва иймон-эътиқод билан ўтганлар учун Аллоҳ томонидан мағфират ва ризолик бордир. Ҳаёти дунё эса фақат алдагувчи матодир. Эй инсонлар, Парвардигорингиз томонидан бўладиган мағфиратга ҳамда Аллоҳ ва унинг пайғамбарларига иймон келтирган зотлар учун тайёрлаб қўйилган, кенглиги осмон ва ернинг кенглиги каби бўлган жаннатга шошилингиз! Бу (яъни ваъда қилинган мағфират ва жаннат) Аллоҳнинг фазлу марҳамати бўлиб, уни Ўзи хоҳлаган кишиларга ато этур. Аллоҳ улуғ фазлу марҳамат соҳибидир» [57:20-21].
12-бет
Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26