Албатта ҳукм Аллоҳникидур Сиёсий сақофий таҳлилий
сайт

 

куннинг қийинлиги ва даҳшатидан юлдузлар ҳам қулайди, у куннинг даҳшатидан тоғлар эриб кетади, у куннинг даҳшатидан Ер ҳам ёрилади-ю, сизларга ўша куни осон бўлади деб ўйлайсизми!?».
Умар ибн Абдулъазиз ҳар куни кечаси фақиҳларни йиғар эди. Улар ўлим, қиёмат ва охират ҳақида суҳбатлашардилар. Кейин эса гўё олдиларида жаноза ҳозир бўлганидек йиғлардилар. Ривоят қилишларича Умар ибн Абдулъазиз ҳузурида ўлим ҳақида гап очилса, қушга ўхшаб сесканиб кетар ва шундай йиғлар эдики, ҳатто кўз ёшлари соқолидан ҳам томчиларди. Бир куни тунда йиғлади. Унга қўшилиб оила аъзолари ҳам йиғлади. Кўз ёшлари тинган хотини Фотима ундан сўради: «Ота-онам сизга фидо бўлсин. Эй Амирал мўминин! Нимага йиғладингиз?» У деди: «Мен Аллоҳ таоло ҳузуридаги одамларнинг борадиган жойларини эсладим. Уларнинг бир гуруҳи жаннатда, бир гуруҳи эса дўзахда». У шундай деб яна йиғлаб юборди ва ҳушидан кетди.
Ўлимни эслаш охиратни эслатади. Ўлимнинг ўзи етарли ваъз-насиҳатчидир. У кўп нарсалар ҳақида чуқур фикр юритишга ундайди. Ҳасан (Разияллоҳу анҳу) ўз жонига қасд қилаётган бир одамнинг олдига кириб қолди ва деди: «Бу иш шундай ишки, охиридан кўра аввали, аввалидан кўра охири тарк этишга лойиқроқ».
Кимки ўз охиратини ҳар лаҳзада келиб қолиши мумкин деб тасаввур қилса, у охиратга бор имкониятини ишга солиб тайёргарлик кўриб юриши лозим. Аҳмад ибн Ҳазравийянинг ўлим соати яқинлашиб қолганда ўз ўғлига шундай деган: «Эй ўғилгинам! Мен 95 йилдан бери тақиллатаётган эшик мен учун шу соатларда очилмоқда. Бу эшик бахт билан очиладими ёки бахтсизлик биланми билмайман». Ривоят қилишларича солиҳ кишилардан бири ўлаётган чоғида унинг хотини йиғлаб юборди. Шунда у хотинига деди: «Нима учун йиғлаяпсан?» Хотини: «Сенга йиғлаяпман»- деб жавоб берди. У эса: «Агар йиғламоқчи бўлсанг, ўзинг учун йиғла, мен шу кун учун қирқ йил давомида йиғладим».

Эй биродар! Агар сен узоқ бир сафарга чиқмоқчи бўлсанг унга тайёргарлик кўриш ва ҳозирлик кўришни тарк этган бўлур эдингми? Агар шундай бўлса, сен икки ҳолатнинг биридасан, ё бу сафаринг сенга аҳамияти йўқ, сен унга эътибор бермайсан ҳам, уни ҳисобга ҳам олмагансан, ёки сен шунчалик бепарвосанки, сен учун вақтнинг қадр-қиймати йўқ. Ўлим эса шундай сафарки, биз уни келишига ҳеч қандай шак-шубҳасиз ишонамиз - иймон келтирамиз. Кунимиз ўтган сари биз кундан-кунга ўлим деб аталувчи охират сафарига яқинлашиб бормоқдамиз. Ким 30 ёшга тўлган бўлса, у ўлимга 30 йилга яқинлашибди. Кимки 60 ёшга тўлган бўлса, бас, у ҳам ўлимга 60 йилга

 

7-бет

Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26