Албатта ҳукм Аллоҳникидур Сиёсий сақофий таҳлилий
сайт

 

Ўлим мўминга охиратни эслатадиган ҳақиқий ҳамроҳдир. Мўмин ўз охиратини эсда тутар экан, у яхшиликка интилади. У охиратни зикр қилиш ва унга тайёргарлик кўрган ҳолда ҳаёт кечиради. Шунинг учун ҳам Расул (Алайҳиссалом) бизларни ўлимни эсда тутишга ва унга тайёргарлик кўришга, қабрларни зиёрат қилишга, қабр аҳлига салом беришга ундадилар. Чунки улар энг яхши ваъз-насиҳат қилувчи ва эслатгувчидир.
Абу Зарр дейди: Расулуллоҳ (Саллаллоҳу алайҳи ва олиҳи ва саллам) дедилар: «Қабрларни зиёрат қил, улар сенга охиратни эслатади. Маййитни юв, чунки ўлик жасадни ювиш етарли панд-насиҳатдир. Жаноза намозини ўқи, шояд бу сени қайғуга солса, чунки ғам-қайғу аҳли Аллоҳнинг соясида бўлади» (Ибн Абу Дунё ва Ҳоким «исноди жаййид» билан ривоят қилганлар).
Ибн Абу Мулайка дейди: Расулуллоҳ (Саллаллоҳу алайҳи ва олиҳи ва саллам) дедилар: «Ўликларни зиёрат қилинг ва уларга салом беринг, чунки уларда сиз учун ибрат бордир» (Ибн Абу Дунё ривоят қилган. Мурсал исноди жаййид).
Ривоят қилишларича Абу Ҳурайра (Разияллоҳу анҳу) жанозани кўрсалар шундай дер эканлар: «Сиз яшаб бўлдингиз, энди навбат бизга». Тобеин аз-Заҳҳок ривоят қилади: Бир киши, эй Расулуллоҳ, одамларнинг энг художўйи-зоҳидроғи ким?– деб сўради. Расул (Алайҳиссалом) дедилар: «Кимки қабрни унутмаса, дунё зийнатидан воз кечса, боқий ҳаётни фонийдан устун кўрса, эртанги кунини ўйламаса ва ўзини аҳлидан деб ҳисобласа, ўша одам энг художўйдир».
Расулуллоҳ (Саллаллоҳу алайҳи ва олиҳи ва саллам) бизлар учун энг яхши намунадирлар. Расул (Алайҳиссалом)нинг асҳоблари биз учун рушду ҳидоят йўлини кўрсатдилар. Биздан олдин ўтган солиҳ кишилар биз учун ибрат ва насиҳатчидирлар. Улар ўлимни эсда тутишда ҳарис эдилар. Ўлимни эслашлари уларни охиратга тайёрлик кўришга ундади. Уларнинг бирортасига ўлим вақти етганда уларни Аллоҳ азобидан даҳшатга тушган ҳолда йиғлаётганларини ва унинг мағфиратидан умидвор эканликларини, Аллоҳдан яхши нарсаларни умид қилаётганларини ва барча тайёргарликларни кўрганликларининг гувоҳи бўласан.

Расулуллоҳ аввало ўлимни қабрдагиларнинг ҳаққига истиғфор айтиш билан кутиб олдилар. Ўшанда Расулуллоҳ (Саллаллоҳу алайҳи ва олиҳи ва саллам) касал эдилар ва бу касал туфайли вафот этдилар. Расулуллоҳнинг хизматкорлари Абу Мувайҳибадан ривоят қилинадики, Расулуллоҳ (Саллаллоҳу алайҳи ва олиҳи ва саллам) ярим тунда мени уйғотдилар ва менга дедилар: «Эй Абу Мувайҳиба, мен

 

13-бет

Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26