|
ЎЛИМ
К.Ш.
Сахрни эслатар қуёш чиқиши,
Менга эслатади унинг ботиши.
Агар атрофимда мени юпатиб,
Биродарларини қумсаб эслатиб,
Йиғлаб турувчилар кўп бўлмаганда,
Ўзни ўлдирардим тиғ уриб танга.
Абу Ҳассон Сахрдан айрилган куним,
Барча ўйин-кулги, улфатни қўйдим.
Менинг бор қайғуйим Сахр учундир,
Онамнинг ҳасрати яна узундир.
Энди у лаҳадда тонг оттирарми?
Яна ўшал жойда тунни кутарми?
Бу мисралар билан Хансо ўз акаси Сахрга марсия ўқиган ва йиғлаган эди. У шундай йиғладики, ҳатто кўзлари нурсизланиб кўр бўлиб қолди. У акасининг ўлимидан эсанкираб умидсизликка тушиб, ўлимни қарғиш ва лаънат билан тилга оларди. Хансо ўлим ҳақида шундай совуқ ва ёмон тасаввурга эга эди. Шунинг учун ҳам у «ўлим» сўзини эшитиши биланоқ кимдир унинг устидан совуқ сув қуйиб юборгандек сесканиб, яқинларидан маҳрум бўлиш у ёқда турсин, ҳатто шу сўзнинг ўзиёқ унинг нафратини қўзғарди.
Қодисия жангида эса, яъни инсонга даҳшат соладиган ҳамда жанг майдонида ўлим шарпаси кезиб юрган бир пайтда мана шу Хансо тўрт ўғлига қуйидаги сўзларни айтди: «Эй фарзандларим! Сиз динни дунёга алмашмай, Исломни қабул қилдингиз, бу йўлдан қайтмай ҳижрат қилдингиз. Кейин эса қари онангиз билан Форс ўлкасига етиб келдингиз. Сизлар бир эркак ва бир аёлнинг фарзандларисиз. Мен отангизга хиёнат қилмадим. Тоғаларинг юзини ерга қаратмадим. Боринглар, жангнинг аввали-ю охирига қатнашинглар!» Бу жангда унинг тўрттала ўғли ҳам шаҳид бўлди. Унга бу ҳақда хабар беришганда у ўзининг қуйидаги машҳур сўзларини айтди: «Фарзандларимнинг шаҳид бўлганини эшитишни менга насиб этган Аллоҳга ҳамдлар бўлсин! Мен Аллоҳ таолодан фарзандларим билан бирга мени ҳам ўз раҳматига олишини сўраб илтижо қиламан!»
Жоҳилиятда ўлим ҳақида ёмон тасаввурда бўлган Хансонинг Исломни қабул қилгач бу тушунчасини тубдан ўзгартириб юборган нарса нима? Нахотки, акасининг ўлимидан тинмай кўз ёш тўкиб кўзлари кўр бўлган бу аёл, эндиликда фарзандларининг ўлимидан фахрланса?! Ажабо! Яқиндагина яқин кишисининг ўлимидан эсанкираб, умидсизликка тушган бир аёл ўз ўғилларини жаннатда
2-бет
Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26