|
фақат ўзларингга етарлисини олинглар, билингки, эй Салмон, ким бомдод намозини ўқиса, у Аллоҳнинг зиммаси - ҳимояси остида бўлади. Бас, Аллоҳнинг зиммасини бузишга журъат қилма-хиёнат қилма. Акс ҳолда Аллоҳ сизларни дўзахга юзингиз билан итариб юборади».
Абу Бакр аҳволлари оғирлашгач Умар ибн Хаттобга одам юбориб чақиртирдилар. Умар (Разияллоҳу анҳу)га буюк насиҳат қилдилар. Абу Бакр дедилар: «Агар қабул қилсангиз, мен сизга бир васият қиламан: Аллоҳ азза ва жалланинг тунда бир ҳаққи бор, уни кундузи қабул қилмайди ва Аллоҳнинг кундузи бир ҳаққи борки, уни тунда қабул қилмайди. Фарз намозлар ўқилмагунча, нафл намозлар қабул бўлмайди. Охират кунида тарозуси оғир келганларнинг тарозуси дунёда фақат ҳаққа эргашганлари сабабли оғир келди. Ҳақ қўйиладиган тарозунинг оғир келиши ҳақ-тўғридир. Охиратда тарозуси енгил келадиганларнинг тарозуси дунёда фақат ботил-пуч нарсага эргашганлари сабабли енгил келди. Ботил қўйиладиган тарозунинг енгил келиши ҳам ҳақ - тўғридир».
Билмайсизмики, Аллоҳ умид оятини қўрқув ояти билан ва қўрқув оятини умид ояти билан нозил қилди. Раҳмат оятини ва азоб оятини зикр қилдики, банда савобдан умидда гуноҳдан қўрқувда бўлсин, токи умидсизликка тушиб ўзини ҳалокатга ташламасин ва токи ноҳақ ҳолда Аллоҳдан орзу-умидлар кутмасин.
Эй Умар! Агар бу васиятимни ёдингизда тутсангиз ғоиб (кўринмай турган) нарсалар ичида сизга иложсиз бўлган ўлимдан кўра суюклироғи бўлмас (Яъни ўлим ҳамма нарсадан кўра суюклироқ бўлади). Агар бу васиятимни унутсангиз ғоиблар ичида сизга иложсиз ва сиз енголмайдиган ўлимдан кўра суюксизи бўлмас». Жонлари узилмасдан олдин айтган сўнгги гаплари шу бўлди: «Павардигоро:
تَوَفَّنِي مُسْلِمًا وَأَلْحِقْنِي بِالصَّالِحِينَ
— «Мени мусулмон ҳолатда ўлим билан юзлантиргин ва солиҳ бандаларинг билан бирга қилгин» [12:101].
17-бет
Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26