|
бормадим. Иссиқ кунларда рўза тутиш, қишнинг кечаларида намоз ўқиш, соатлаб бедорликда умр ўтказиш ва Аллоҳни эслайдиган ҳалқаларда уламолар билан рўбарў ўтириш учун дунёда кўп қолишни истадим, дедилар.
Билол (Разияллоҳу анҳу)га ўлим соати келганда аёллари: Эй воҳ, деб хафа бўлди: Шунда Билол (Разияллоҳу анҳу): ундай дема, балки бу қандай хурсандчилик дегин, чунки эртага дўстларим Муҳаммад (Саллаллоҳу алайҳи ва олиҳи ва саллам) ва у зотнинг асҳоблари билан учрашамиз,– дедилар.
Ўлим тўшагида ётган Оиша (Разияллоҳу анҳо) онамиз олдиларига Абдуллоҳ ибн Аббос кириб, мақтов сўзларини айтдилар: Хушхабар бўлсин сизга, эй Расулуллоҳнинг йўлдошлари, сиздан бошқа ҳеч кимни қизлигида ўз никоҳларига олмадилар, сизнинг поклигингизни осмон исботлади, яъни ваҳй исботлади. Абдуллоҳ кетидан Зубайр ибн Аввом (Разияллоҳу анҳу) кириб келдилар. Унга Оиша онамиз дедилар: Ҳозир мени Абдуллоҳ ибн Аббос мақтаб-мақтаб чиқиб кетди. Ҳолбуки, шу онда бирорта одамдан мақтов сўзларини истамай турибман, қанийди мен ҳеч кимнинг ёдида қолмас бўлиб, унутилиб кетсам эди: Абу Муслим айтадилар: Абу Дардоъ (Разияллоҳу анҳу) олдиларига бордим, қарасам ўзларини ўлимга топшириб: Шу ўлимим учун амал қилган одам борми? Бу куним учун яшаган одам борми? Мана шу онларим учун амал қилган одам борми?– дер эдилар. Шундан кейин жонлари узилди. Аллоҳ раҳмат қилсин. Ўлим соати яқинлашгач Салмон Форсий йиғлай бошладилар. Улардан, нима учун йиғламоқдасиз, деб сўрадилар. Айтдиларки: Расулуллоҳ (Саллаллоҳу алайҳи ва олиҳи ва саллам) ҳар биримизнинг мол дунёмиз бор-йўғи бир йўловчиникидек бўлишини васият қилган эдилар. Ҳолбуки, менинг олдимда шунча мол-дунё. Айтишларича у кишида ўн дирҳамдан кўпроқ қийматга эга бўлган бор-йўғи битта сават, ликопча ва обдаста бўлган, холос.
Абу Ҳурайра ўлимларидан олдин йиғлаган эканлар. Нима сабабдан йиғламоқдасиз деб сўралганда: «Дунёда яшашни истаб йиғлаётганим йўқ, сафарим узоқлигидан ва ўзим билан олиб кетаётган зоди роҳилам (озиқ-овқат ва ҳоказо) озлигидан йиғламоқдаман. Жаннат ва дўзахга олиб тушадиган тепалик устида турибман, мени бу тепалик қайси бирига олиб тушишини билмай йиғлаяпман»,– деб жавоб берган эканлар (Ибн Саъд Муслим ибн Бишрдан ривоят қилди. Абу Наъим ҳам «Ҳиля»да ривоят қилди).
23-бет
Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26