ХУЛОСА

Иқтисодий кризис – давлатнинг молиявий ишларни бошқаришда қаттиқ тартибсизликка учраши бўлиб, бу тартибсизликни ўнглаш ва вазиятни барқарор ҳолатига қайтариш учун қаттиқ ғайрат билан ҳаракат қилиш зарур бўлади.
Молиявий кризис ўз валюта резервига эга давлат бошқа давлатлар устидан сиёсий ва иқтисодий жиҳатдан ҳукмрон бўлиб олиш мақсадида олтинга айирбошлаш низоми бўйича муомала қилиш оқибатида содир бўлади. Шунингдек, молиявий кризисга мажбурий қоғоз пул низомида ҳам дуч келинади. Чунки у валюталар курсининг беқарорлигига, давлатлар ўртасида курашларнинг келиб чиқишига ва молиявий фитналар уюштирилишига йўл очиб беради. Бу эса сиёсий, иқтисодий нотинчликка ва молиявий бозорларнинг бузилишига сабаб бўлади.
Молиявий кризисни муолажа қилиш олтин пул низомига қайтиш билан бўлади. Фақат олтин пул низомигина валюта айирбошлашнинг барқарорлиги ва иқтисодий гуллаб яшнашни муҳофаза қилади.
Тўловлар балансининг бузилишидан келиб чиққан кризис қарздорликка олиб келади. Чунки иқтисодий ривожланиш мустақил равишда бўлмади ва қарзларни нотўғри сарф қилинди. Хусусан, бундай қарзлар аввало, нуфузни ёйилиши учун хатарли бўлса, иккинчидан, рибодир. Рибо эса ҳаромдир.

Халқаро валюта фондига мурожаат қилиш муаммони янада кучайтиради. Чунки бунда айни муаммони фақат арифметик ҳисоб билан ҳал қилади-да, солиқларни оширишни, валюта курсини пасайтиришни, ойлик ва маошларни музлатиш ёки камайтиришни, ишлаб чиқаришдан қўллаб қувватлашни бекор қилишни, нарх-наволарни оширишни талаб қилади. Шунингдек, берилган қарзларни давлатнинг бойликлари униб-ўсмайдиган лойиҳаларга сарф қилдиради-да, натижада, қарздор давлат яна ёрдамлар ва қарзлар олишдан тўхтамайди. Ўзининг программаси бўйича юрган давлатга эса энг камида – берган қарзининг муддатини чўзиб қўяди, кечиб юбормайди.

40-бет

Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42